Kir Starmier zajaviŭ, što jamu nadakučyli dziejańni Pucina i Trampa
Premjer-ministr Vialikabrytanii Kir Starmier zajaviŭ, što jamu ŭžo nadakučyła hladzieć, jak dziejańni Donalda Trampa i Uładzimira Pucina ŭpłyvajuć na ceny enierhii ŭ krainie, piša The Guardian. Pavodle jaho słoŭ, z-za padziej u śviecie brytanskija siemji i biznes pastajanna sutykajucca ź niestabilnymi rachunkami za enierharesursy.
«Mnie nadakučyła, što siemji pa ŭsioj krainie bačać, jak ich rachunki za elektraenierhiju to rastuć, to źmianšajucca, a rachunki pradpryjemstvaŭ za elektraenierhiju taksama rastuć i źmianšajucca praź dziejańni Pucina ci Trampa va ŭsim śviecie», — padkreśliŭ Kir Starmier.
U intervju brytanski premjer taksama krytyčna vykazaŭsia nakont situacyi na Blizkim Uschodzie. Starmier asudziŭ praciah udaraŭ Izraila pa Livanie, padkreśliŭšy, što takija dziejańni treba spynić, niezaležna ad taho, ci ličacca jany farmalnym parušeńniem damoŭlenaściaŭ ab spynieńni ahniu.
Jon taksama zajaviŭ pra nieabchodnaść kankretnaha płana dla adnaŭleńnia sudnachodstva praz Armuzski praliŭ paśla dasiahnieńnia pieramirja. Starmier adznačyŭ, što ciapier važna chutka pierajści da praktyčnych krokaŭ, kab adnavić narmalny ruch karabloŭ.
Brytanski premjer taksama pryznaŭ, što Vialikabrytanija nie vałodaje poŭnaj infarmacyjaj pra ŭmovy pieramirja, ale vyrazna zajaviŭ, što ataki na Livan źjaŭlajucca niapravilnymi.
Taksama Starmier padkreśliŭ, što choča bačyć krainu mienš zaležnaj ad źniešnich kryzisaŭ. Jon raskrytykavaŭ padychod papiarednich uradaŭ, jakija, na jaho dumku, tolki časova «łatali» prablemy, i paabiacaŭ, što jahonyja ŭrad budzie dziejničać bolš rašuča. Premjer taksama adznačyŭ, što vajna ź Iranam pavinna stać pavarotnym momantam, jaki vyznačyć budučyniu na doŭhi čas.
Adnosiny Starmiera z ZŠA pahoršylisia paśla pačatku kanfliktu ź Iranam. Donald Tramp nieadnarazova krytykavaŭ i vyśmiejvaŭ jeŭrapiejskich lidaraŭ, u tym liku samoha Starmiera, pakazvajučy videa, dzie toj nibyta baicca amierykanskaha prezidenta.
Pad krytyku Trampa trapili i inšyja lidary. Naprykład, jon abraźliva vykazvaŭsia pra prezidenta Francyi Emanuela Makrona, a taksama pahražaŭ Ispanii ekanamičnymi mierami i navat namiakaŭ na mahčymaść vykarystańnia jaje vajskovych baz biez dazvołu.
«Bolš chaosu, čym stratehii». Što pišuć u amierykanskich ŚMI pra spynieńnie ahniu ź Iranam
Tramp zajaviŭ, što nie choča pieramirja ź Iranam, i znoŭ abrynuŭsia na sajuźnikaŭ pa NATA
Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
«Nam nie patrebny ludzi, jakija ŭstupajuć u vajnu, kali my ŭžo pieramahli». Tramp rezka adkazaŭ Starmieru
Tramp zaklikaŭ Brytaniju nie addavać bazu Dyjeha-Harsija. Jon kaža, što jana moža spatrebicca dla ŭdaraŭ pa Iranie
Kamientary