Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju
Prezident ZŠA Donald Tramp padčas mierapryjemstva ŭ Biełym domie raskazaŭ žurnalistam, navošta prapanuje sajuźnikam pa NATA dałučycca da abarony sudnachodstva ŭ Armuzskim pralivie, piša «Jeŭrapiejskaja praŭda».
Prapanovy Trampa robiacca zusim nie tamu, što ŭ ZŠA samich mała siły, pryčyna ŭ inšym. Cisku ž ni na kaho nijakaha niama.
«Maja pazicyja takaja: nam nichto nie patrebien. My — najmacniejšaja dziaržava ŭ śviecie. U nas, biassprečna, najmacniejšyja ŭzbrojenyja siły ŭ śviecie.
Jany nam nie patrebnyja. Ale cikava: u niekatorych vypadkach ja nibyta rablu heta nie tamu, što jany nam patrebnyja, a tamu, što chaču daviedacca, jak jany reahujuć», — zajaviŭ Tramp.
Siarod inšaha jon acaniŭ hatoŭnaść udzielničać u harantavańni biaśpieki sudnachodstva ŭ Armuzskim pralivie z boku prezidenta Francyi Emanuela Makrona.
Pa słovach Trampa, ź im jon heta pytańnie ŭžo abmiarkoŭvaŭ. Pa vynikach abmierkavańnia pa škale ad 0 da 10 jon aceńvaje hatoŭnaść Francyi prykładna na 8 bałaŭ — «nie idealna, ale heta Francyja».
Raniej Tramp papiaredžvaŭ, što budučynia NATA moža akazacca pad pahrozaj, kali sajuźniki nie dapamohuć adnavić biaśpiečny prachod praz Armuzski praliŭ.
U toj ža čas premjer-ministr Vialikabrytanii Kir Starmier paviedamiŭ, što jaho kraina ŭdzielničaje ŭ raspracoŭcy sumiesnaha z partniorami płana pa zabieśpiačeńni sudnachodstva ŭ pralivie, ale nie ŭ miežach NATA. Ministr abarony Hiermanii Barys Pistoryus adchiliŭ patrabavańnie Trampa ab supolnaj abaronie praliva, a Ispanija taksama admoviłasia ŭdzielničać u takoj misii.
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
Vialikabrytanija i Hiermanija admovilisia adpraŭlać karabli ŭ Armuzski praliŭ
«Nam nie patrebny ludzi, jakija ŭstupajuć u vajnu, kali my ŭžo pieramahli». Tramp rezka adkazaŭ Starmieru
U Jeŭrasajuzie razhladajuć mahčymaść źmieny mandata svajoj vajskova-marskoj misii na Blizkim Uschodzie
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada41
Kamientary