Juryj Karajeŭ maryć zładzić šturm Mirskaha zamka manhoła-tatarami
Staršynia Hrodzienskaha abłvykankama Juryj Karajeŭ padčas vizitu ŭ Mirski zamak vykazaŭ ideju pravodzić maštabnyja histaryčnyja rekanstrukcyi šturmu zamka ŭ roznyja epochi. Siarod inšaha jon prapanavaŭ pakazać napad manhoła-tataraŭ z vykarystańniem leśvic, łukaŭ i inšych atrybutaŭ, kab stvaryć vidoviščnaje pradstaŭleńnie dla hledačoŭ.
«Ja vielmi daŭno maru zrabić rekanstrukcyju šturmu zamka sa šturmavymi leśvicami, z manhoła-tatarami, jakija stralajuć u bajnicy z łukaŭ i streł. U XIV stahodździ my pakazvajem vam rekanstrukcyju šturmu hetaha zamka. Pakazvajem na 20 chvilin. A praz 200 hadoŭ rycarski orden teŭtonaŭ atakavaŭ», — zajaviŭ Juryj Karajeŭ.
Jon adznačyŭ, što padobnyja karotkija rekanstrukcyi ŭžo pravodziacca, ale jon chacieŭ by zrabić bolš maštabnaje i detalovaje šou.
Priedsiedatiel Hrodnienskoho oblispołkoma Jurij Karajev posietił zamkovyj kompleks «Mir», kotoryj v śledujuŝiem hodu otmietit 5️⃣0️⃣0️⃣-letije svojeho osnovanija. ✔️ Postavleny zadači otvietstviennym dołžnostnym licam po prazdnovaniju etoho znakovoho dla vsiej strany sobytija. ⚡️ Idieja hubiernatora - proviesti riekonstrukciju osady zamka v raznyje istoričieskije epochi.
Hetaja ideja, adnak, vyklikaje u ludziej šmat pytańniaŭ i krytyki. Ludzi ŭ kamientaryjach da naviny źviartajuć uvahu pieradusim na toje, što padobnyja mierapryjemstvy patrabujuć značnych finansavych vydatkaŭ. Niekatoryja zadajucca pytańniem, za čyj košt budzie pravodzicca takaja rekanstrukcyja.
Inšyja adznačajuć, što ŭ krainie jość bolš nadzionnyja prablemy, jakija patrabujuć uvahi i srodkaŭ — naprykład, niedachop dastupnaha žylla, prablemy ź miedycynskimi ŭstanovami ŭ małych haradach, stan infrastruktury, aśviatleńnie vulic i inšyja bytavyja pytańni. Na hetym fonie ideja histaryčnaha šou niekatorym padałasia niedarečnaj abo druharadnaj.
Taksama hučać mierkavańni, što heta chutčej asabistaja inicyjatyva čynoŭnika, jakaja nie abaviazkova adpaviadaje realnym patrebam ludziej.
Hałoŭnaje ž — što sama mahčymaść šturmu Mirskaha zamka manhoła-tatarami razychodzicca z histaryčnymi realijami.
Karajeŭ nie ŭ kursie, što reniesansavy zamak u Miry byŭ pabudavany ŭ pačatku XVI stahodździa. A tatar i kryžakoŭ Vialikaje Kniastva Litoŭskaje raźbiła hadoŭ na sto hadoŭ raniej, pad Sinimi Vodami i Hrunvaldam. Tamu i źjaviłasia mahčymaść budavać takija zamki, jak Mirski, što vajennaja pahroza była likvidavanaja.
«3‑4 łaktacyi prypłodu, małaka pa 7000 litraŭ, pamnožyć na 3». Hienierał Karajeŭ patłumačyŭ sialanam, jak vyroščvać cialat
Karajeŭ raskazaŭ, dzie ciapier pracujuć jaho syny
Łukašenka — Karajevu: Ty taki musulmanin, jak ja pravasłaŭny
Ci pakarajuć niepryšpilenaha Karajeva za parušeńnie PDR? Voś što adkazali ŭ DAI
Ciapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie1
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary