MARH znajšło parušeńnie ŭ pracy Biełarusbanka ŭ śfiery ekvajrynhu
Ministerstva antymanapolnaha rehulavańnia i handlu Biełarusi znajšło parušeńni ŭ pracy «Biełarusbanka» ŭ śfiery ekvajrynhu — heta pasłuhi, źviazanyja z pryjomam apłaty bankaŭskimi kartkami.
Padčas pravierki vyśvietliłasia, što bank, jaki zajmaje daminantnaje stanovišča na hetym rynku, uklučyŭ u svaju publičnuju afiertu ŭmovy, jakija supiarečać antymanapolnamu zakanadaŭstvu.
Havorka idzie pra toje, što «Biełarusbank» pakidaŭ za saboj prava ŭ adnabakovym paradku admaŭlać klijentam u zaklučeńni damovy, prypyniać praviadzieńnie apieracyj, a taksama samastojna vyznačać pamier kamisii i nie raskryvać jaho, spasyłajučysia na kamiercyjnuju tajamnicu.
Takija ŭmovy mohuć stavić klijentaŭ u zaležnaje stanovišča i abmiažoŭvać kankurencyju na rynku, bo inšyja ŭdzielniki nie majuć takich mahčymaściaŭ upłyvać na praviły.
U vyniku MARN vydaŭ banku rekamiendacyi likvidavać hetyja parušeńni i nie dapuskać ich u budučyni. Pavodle infarmacyi viedamstva, «Biełarusbank» vykanaŭ usie patrabavańni ŭ poŭnym abjomie.
Kamientary