Žyćciaradasnaje pacučania maryć stać kucharam. Ludzi i svajaki hieroja ad hetaha nie ŭ zachapleńni…
Ratatuj (Ratatouille)
ZŠA, 2007, kalarovy, 110 chv.
Režyser: Bred Biord
Žanr: Animacyjnaja kamedyja
Adznaka: 5 (z 10)
Remi paśla ŭciokaŭ ad pieraślednikaŭ, hublaje siamju i traplaje ŭ svaju lubimuju restaracyju. Nastolnaj knihaj Remi – kulinarny zbornik, i hieroj maryć stać kucharam. Usie talenty ŭ Remi jość: vydatny hust, kreatyŭnaść, pracazdolnaść. Da taho ž Remi dapamahaje paradami sam aŭtar knižki – tłusty kuchar ź ilustracyi, były haspadar restaranu.
Ale jość nievialičkaja prablema. Remi – pacučania, i jahonaja mara zusim nie daspadoby ludziam, dyj chvastatym svajakam. Na dapamohu hieroju prychodzić chłopčyk Linhvini…
Žyćciaradasnaja animacyjnaja kamedyja Breda Biorda, viadomaha pa paradyjnym pryhodam “Zvyšsiamiejki”. “Ratatuj” – kamerny, liryčny, nie źbirajecca ździekvacca z Džejmsaŭ Bondaŭ i zubadrabilnych bajevikoŭ. Adzinaja spasyłka, jakuju niemahčyma paźbiehnuć – “Palavańnie na myš” Hora Viarbinskaha; i ŭžytaja hetaja spasyłka vielmi ŭdała.
Animacyja śvietłaja i daścipnaja, hrymasy paciešnyja j žyvyja. Pacučania, jakoje stanovicca kucharam – i jakoje kiruje kucharčonkam, jak maryjanetkaj – heta film u filmie, teatar maryjanetak na ekranie – z udarnaju scenaj pryznańnia ŭ kachańni.
U filmie jość siabroŭstva, kachańnie, karjera, pakaranyja złyja kuchary i źjedlivy krytyk, jaki ŭpadaje ŭ dziacinstva.
“Kožny moža stać kucharam!” – možna stać majstram, niezaležna ad pachodžańnia; zmahajciesia za svaju maru – pasłańnie kamedyi da dziciačaj i darosłaj aŭdytoryi.
Pahadzimsia z hetym i pačastujemsia Ratatujem.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary