«M.Y.» — stužka śpiavački Madonny pra zakachanaha karala
M.Y. Vierym u kachańnie (W.E.)
Vialikabrytanija, 2011, kalarovy, 115 chv.
Režysiorka: śpiavačka Madonna
Roli vykonvajuć: Ebi Korniš, Andrea Rajzbara, Oskar Ajsaak, Džejms d'Arsi, Ryčard Kojł, Džejms Foks
Žanr: Mieładrama
Adznaka: 3,5 (z 10)
Karol Vialikabrytanii Eduard VIII i amierykanka Uolis Simpsan pabralisia šlubam nasupierak tradycyjam i hramadzkamu mierkavańniu. Supracoŭnica «Sotbis» Uolis, nazvanaja ŭ honar znakamitaj amierykanki, začaravanaja historyjaj ramantyčnaje pary. Uolis Simpsan, dziela jakoj karol vyraksia stalca, dapamoža hierainie ŭ ciažkoj siamiejnaj situacyi…
Film pastaviła Łuiza Vieranika Čykonie, viadomaja publicy, jak śpiavačka Madonna.Amierykanskaja pop-zorka raskazała pra los suajčyńnicy, jakaja taksama była čužanicaj na Brytanskich vyspach. Karcina spračajecca ź niadaŭniaju stužkaj «Karol havoryć», dzie Eduard VIII i Uolis Simpsan — lehkadumnyja hiedanisty.
Režysiorka padreślivaje, što žančyna, jakaja traplaje ŭ kazku, sama hublaje pryvatnaje žyćcio j stanovicca abjektam pahardy.
Stužka śpiavački atrymałasia chaładnavata-hruvastkaj, z proćmaj razmyta-dziorhanych kadraŭ — i falšyvaju karaleŭskaju butaforyjaj. Ale muzyčnyja numary j naiŭnaja sučasnaja historyja — z zakachanym ruskim achoŭnikam — film ažyŭlajuć. Kolišniaja pop-skandalistka śćviardžaje prava žančyny na prostaje siamiejnaje ščaście — i dzicia pad sercam.
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary