Karcina, što naminujecca na «Oskara», u mienskim prakacie.
ZŠA, 2011, kalarovy, 146 chv.
Režysior: Styvien Śpiłbierh
Roli vykonvajuć: Džeremi Irvin, Piter Mułan, Emili Ŭotsan, Nils Arestrup, Dejvid Ćjulis, Bieniedekt Kambierbetč, Sielin Bakiens
Žanr: Historyka-epičnaja vajennaja mieładrama pavodle ramanu Majkła Marpurha
Adznaka: 6 (z 10)
Juny Albiert pryviazaŭsia da kania Džoŭi, jakoha baćka kupiŭ na apošnija hrošy. Kali pačałasia Pieršaja suśvietnaja vajna, koń adpraviŭsia na front. Albiert abiacaŭ, što znojdzie j vyratuje svajho siabra.
Stužka Styviena Śpiłbierha — kalihrafična-sientymientalny varyjant «Vyratavańnia žaŭniera Rajana» z kadrami pad zabytyja vesterny.Žaŭnier — koń, jaki pierachodzić ad armii da armii, pierabiahaje praź liniju frontu, viaźnie ŭ kalučym drocie j demanstruje cudy vyžyvańnia. Jak zdarajecca ŭ dziciačych filmach Śpiłbierha, dapamahajuć pakutniku ludzi z čystym sercam: anhielski aficer, francuskaja dziaŭčynka, niamieckija braty, trahična rasstralanyja kala młynu.
Režysior nadzvyčaj dalikatna abminaje ŭsialakija kadry hvałtu:havoryć sama pryroda — praniźlivym sinim niebam, załacistym žytam i ŭźniosłaj muzykaj Džona Ŭiljamsa. Pryhažość, adcienienaja šyrokim ekranam, sutykajecca z šerymi dekaracyjami akopaŭ i kulamiotnych kropak. Bieły śnieh doryć sustreču j spačuvańnie.
Stužka vyłučanaja na sioletni «Oskar» u hałoŭnaje naminacyi «Lepšy film» a taksama za svaje vizualnyja jakaści, huk i muzyku.
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać22
Kamientary