Łukašenka: Da kanca hetaha hoda my pavinny mieć svaje bojeprypasy da artyleryjskich sistem
Da kanca hetaha hoda ŭ Biełarusi pavinna być naładžana vytvorčaść ajčynnych bojeprypasaŭ da artyleryjskich sistem. Ab hetym Alaksandr Łukašenka zajaviŭ 10 lutaha na naradzie pa pytańniach asnaščeńnia Uzbrojenych Sił i raźvićcia vajenna-pramysłovaha kompleksu Biełarusi.
«U nastupnym hodzie, navat da kanca hetaha hoda, my pavinny mieć svaje bojeprypasy. Chadavyja bojeprypasy. Pierad nami stajała kaliści pytańnie ab ułasnaj vytvorčaści patronaŭ. My hetaje pytańnie vyrašyli. Hranatamioty buduć mieć svajo miesca ŭ lubym bai, asabliva ŭ nas, u suviazi z tymi ŭmovami, jakimi my majem, pryrodnymi ŭmovami. Tamu streły dla hranatamiotaŭ pavinny być svaje. I treba razumieć, što ŭsie bojeprypasy mohuć dobra zachoŭvacca. I my ŭ dastatkovaj kolkaści možam ich vyrablać i pakłaści na skład», — cytuje Łukašenku jaho pres-słužba.
Łukašenka papiaredziŭ za adkaznaść pa terminach: «Jak arhanizavana vytvorčaść u suviazi z maim daručeńniem? I chaču papiaredzić usich — barani vas Haspodź sarvać hetaje mierapryjemstva pa terminach».
Łukašenka znoŭ zahavaryŭ pra pahrozu, hetym razam — z boku Polščy, ale «z ulikam śpiecyjalnaj vajennaj apieracyi Rasijskaj Fiederacyi».
«Naroščvańnie vajskovaj kampanienty la našych miežaŭ, asabliva z boku Polščy, nas nie prosta naściarožvaje. My razumiejem, što heta prosta tak nie robicca. Ludzi hrošy prosta tak na tanki i bojeprypasy nie marnujuć. Tamu ŭ svoj čas mnoju było pryniata rašeńnie z ulikam śpiecyjalnaj vajennaj apieracyi Rasijskaj Fiederacyi zaniacca ŭmacavańniem našaj abaranazdolnaści jašče ŭ bolš surjoznych maštabach», — skazaŭ jon.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary