Mižnarodnaja liha KVZ spyniaje svaju pracu ŭ Minsku paśla 12 hadoŭ
Pra heta było abvieščana padčas 37‑ha Mižnarodnaha fiestyvalu «KiViN-2026» u Sočy. Aficyjnaja pryčyna — nieabchodnaść dapracoŭki, ale za hetym stajać arhanizacyjnyja prablemy i padzieńnie ŭzroŭniu hulni.
Liha pačała svaju historyju ŭ Minsku jašče ŭ 2014 hodzie, užo ŭ 2015‑m atrymaŭšy status televizijnaj. Dvojčy, praŭda, jana prachodziła ŭ Smalensku ŭ časy kavida (siezony 2020 i 2021 hadoŭ).
Zdymki hulniaŭ pravodzilisia telekanałam STB, a sama liha ličyłasia treciaj pa značnaści ŭ ijerarchii Alaksandra Maślakova paśla Vyšejšaj i Premjer-lihi. Doŭhi čas Minsk byŭ pryvabnaj placoŭkaj dla kamand z usiaho SND.
Ale siezon 2025 hoda staŭ pravalnym. Vosieńniu minułaha hoda adbyŭsia skandał: paŭfinalnyja hulni byli sarvanyja z-za prablem z arendaj zały. Jak paviedamlali tady hulcy KVZ, kamandy i arhanizataraŭ prosta nie puścili ŭ kancertnuju zału «Minsk» z-za niepadpisanaj damovy, što «stała šokam dla ŭdzielnikaŭ». U vyniku hulni adbylisia na nievialikich placoŭkach biez hledačoŭ.
Pra toje, što Mižnarodnaja liha KVZ idzie na paŭzu, paviedamili na finale «Kivin-2026» u Sočy. Nieŭzabavie paśla hetaha SMMščyk mižnarodki napisaŭ, što šukaje novuju pracu.
Nieviadoma, ci vierniecca Mižnarodnaja liha ŭ Minsk paśla zajaŭlenaj dapracoŭki ci hety prajekt budzie kančatkova zakryty. Dla biełaruskaha kvzšnaha kamjunici heta aznačaje stratu bujnoj placoŭki, jakaja hadami davała mahčymaść maładym kamandam trapić u televizar.
KVZ było startam dla mnohich budučych komikaŭ — tam vystupali Dzima Naryškin, Idrak Mirzalizade, Ivan Usovič, Maksim Kanavał, Andrej Kałmačeŭski i inšyja.
«Naša Niva» — bastyjon biełaruščyny
PADTRYMAĆ
Kamientary