Sieviaryniec: Łatuška — najlepšaja alternatyva na pasadu premjer-ministra volnaj Biełarusi
Eks-palitviazień u svaim fejsbuku napisaŭ pra znajomstva z eks-ministram kultury, eks-dyrektaram Kupałaŭskaha teatra, a siońnia namieśnikam Śviatłany Cichanoŭskaj. «Łatuška z samaha pačatku byŭ biełaruski, a nie łukašenkaŭski», — piša jon.
«Napačatku 2000‑ych na adnym z dypłamatyčnych pryjomaŭ u Miensku ja, tady jašče staršynia Maładoha Frontu, padyšoŭ da Paŭła Łatuški. Viedaŭ, što jon — chiba adziny z zaŭvažnych dziaržaŭnych słužboŭcaŭ, chto pryncypova razmaŭlaje pa-biełarusku. Padziakavaŭ jamu za biełaruskaść i pacikaviŭsia, ci spadziajecca jon źmianić sistemu Łukašenki znutry.
Łatuška adkazaŭ, što my ŭsie marym pra adnu i tuju ž niezaležnuju, demakratyčnuju i biełaruskuju Biełaruś, i jon sprabuje iści takim šlacham.
«Paš, jak ty možaš padtrymlivać byłoha łukašenkaŭskaha čynoŭnika?» — časam kažuć mnie ciapier.
Dy Łatuška z samaha pačatku byŭ biełaruski, a nie łukašenkaŭski.
Jak i nacyjanał-kamunisty 1920-ych, Łatuška zrabiŭ dziela Biełarusi ŭsio, što moh, znutry sistemy — hodna, pa-biełarusku pradstaŭlaŭ Biełaruś u krainach śvietu i mižnarodnych arhanizacyjach, prabiŭ hrandyjoznuju prahramu «Zamki Biełarusi», ratavaŭ biełaruskuju kulturu ad saŭka i Maskvy.
U 2020 hodzie mienavita Pavieł Łatuška padniaŭ ściah dla jadnańnia ŭsich čynoŭnikaŭ, niazhodnych z Łukašenkam — i hety ściah, kaniečnie, byŭ bieł-čyrvona-bieły. Prajšoŭ praz pahrozy, zamachi, pravakacyi – i praciahvaje jadnać biełaruskija protadziaržaŭnyja struktury jak kłasny kamandny hulec.
Kamanda dla Łatuški — klučavy paniatak, a dla biełarusaŭ heta kaštoŭnaja redkaść.
Za kolki hadoŭ Łatuška sabraŭ kamandu admysłoŭcaŭ, zdolnuju zamianić kaściak dziaržaŭnaha aparatu Biełarusi, kali adčynicca «vakno mahčymaściaŭ».
I dumaju, pakul niama lepšaj alternatyvy na pasadu pieršaha premjer-ministra volnaj, demakratyčnaj i niezaležnaj Biełarusi», — napisaŭ Pavieł Sieviaryniec.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary