Jeŭrasajuz płanuje ŭpieršyniu ŭvieści sankcyi suprać marskich partoŭ trecich krain za ŭdzieł u handli rasijskaj naftaj. Pavodle infarmacyi Reuters, u ramkach 20‑ha pakieta sankcyj pad abmiežavańni mohuć trapić port Kulevi ŭ Hruzii i port Karymun u Indaniezii.
Taksama płanujecca pašyryć «čorny śpis» tankieraŭ, źviazanych ź pieravozkaj rasijskaj nafty, jašče na 43 sudny.
Akramia taho, sankcyi mohuć zakranuć šerah bankaŭ u Kyrhyzstanie, Tadžykistanie i Łaosie, pry hetym z dvuch kitajskich bankaŭ abmiežavańni, naadvarot, mohuć źniać.
U śpis taksama mohuć uvajści rasijskaja kampanija «Bašnafta» i vosiem naftapierapracoŭčych zavodaŭ u Rasii.
Raniej paviedamlałasia, što Brusiel razam z krainami «Vialikaj siamiorki» abmiarkoŭvaje admovu ad miechanizmu «cenavaj stoli» i ŭviadzieńnie poŭnaj zabarony na akazańnie marskich pasłuh dla pieravozki rasijskaj nafty, uklučajučy strachavańnie i fracht. Kiraŭnictva ES paćvierdziła, što taki krok moža ŭvajści ŭ novy sankcyjny pakiet.
Asnoŭnaja meta hetych mier — spynić dziejnaść tak zvanaha «cieniavoha fłotu», z dapamohaj jakoha Rasija abychodzić sankcyi. Pry hetym, pavodle acenak analitykaŭ z CREA, jašče ŭ kastryčniku 2025 hoda značnaja častka rasijskaj nafty (kala 38%) pieravoziłasia tankierami, źviazanymi z krainami G7.
Naprykancy studzienia 14 prybiarežnych dziaržaŭ Bałtyjskaha i Paŭnočnaha moraŭ zajavili, što buduć zatrymlivać sudny «cieniavoha fłotu», kali ich pryznajuć karablami biez hramadzianstva.
Jak čakajecca, kančatkovaje zaćviardžeńnie 20‑ha pakieta sankcyj adbudziecca da 24 lutaha, 4‑j hadaviny raźviazvańnia Rasijaj poŭnamaštabnaj vajny suprać Ukrainy.
Vajskoŭcy ZŠA zatrymali jašče adzin tankier rasijskaha cieniavoha fłotu
Jeŭrasajuz abmiarkoŭvaje poŭnuju zabaronu marskich pieravozak rasijskaj nafty
Rasijski tankier, efiektna zatrymany Francyjaj u Mižziemnym mory, adpuściać płavać dalej
Cieniavy fłot Pucina pad pahrozaj — 14 krain Jeŭropy chočuć zabłakavać jaho ŭ Bałtyjskim mory
Kamientary