Kaciaryna Andrejeva raskazała, što ŭ kałonii im pakazali častku pres-kanfierencyi Kaleśnikavaj, dzie jana dziakavała Łukašenku
Jana zaklikaje nie asudžać Maryju za tyja słovy. «Pastaŭciesia bolš dalikatna da žančyn, jakija stolki vytrymali».
Žurnalistka i byłaja palitźniavolenaja Kaciaryna Andrejeva raskazała ŭ intervju Alaksandru Ivulinu, što ŭ kałonii im pakazvali pres-kanfierencyju z Maryjaj Kaleśnikavaj. Taja pres-kanfierencyja adbyłasia ŭ Čarnihavie 14 śniežnia 2025 hoda, na nastupny dzień paśla vyzvaleńnia i departacyi partyi palitviaźniaŭ.
«Nam u kałonii nie praminuli pakazać tuju častku pres-kanfierencyi Maryi Kaleśnikavaj, dzie jana kazała «dziakuj» Alaksandru Łukašenku.
Ja chaču padkreślić, što ja vielmi pavažaju Mašu za toje, što jana pieraniesła vialikija vyprabavańni, i joj siadziełasia značna ciažej, čym mnohim inšym, i ciažej, čym mnie»,
— adznačyła Andrejeva.
Videa, jakoje pakazali žančynam u kałonii, było apracavanaje, i paśla ŭryŭka z pres-kanfierencyi było napisana, što «ciapier ludzi, jakimi zachaplalisia piać hadoŭ, stali abjektami žorstkaj krytyki». Mienavita taki akcent chacieli zrabić siłaviki.
Kaciaryna zaŭvažyła, što da byłych palitviaźniaŭ treba stavicca piaščotna i dalikatna.
«Pastaŭciesia bolš dalikatna da žančyn, jakija stolki vytrymali», — zaklikaje byłaja palitźniavolenaja žurnalistka.
Kaciaryna Andrejeva viartajecca ŭ žurnalistyku i anansavała ŭ chutkim časie pieršaje videaintervju
Kaciaryna Andrejeva: Ja była maralna hatovaja za toj strym adsiedzieć dva hady, ale ŭsio pasypałasia, kali inkryminavali zdradu dziaržavie
Andrejeva: Kaleśnikavu kupili za «Biełaruśkalij», mianie za źniaćcio sankcyj z bankaŭ. Kali b sankcyj nie było, za što b nas kuplali?
Kamientary
Ličycca toje što jana(i nia tolki jana) viarzie paśla vyzvaleńnia, voś tut vialikija prablemy...