Prezident ZŠA Donald Tramp naviedaje Piekin u pieršy tydzień krasavika dla sustrečy z kitajskim lidaram Si Czińpinam, piša Politico sa spasyłkaj na troch asob, daśviedčanych pra płany Trampa.
Tramp paabiacaŭ naviedać Kitaj u krasaviku paśla sustrečy ź Si ŭ Paŭdniovaj Karei minułaj vosieńniu, adnak Bieły dom pakul nie abviaściŭ dakładnyja daty vizitu.
Pradstaŭnik Biełaha doma, jaki pažadaŭ zastacca ananimnym, kab padzialicca detalami płanavańnia, paviedamiŭ, što daty pajezdki jašče nie zaćvierdžanyja.
Politico dadaje, što kitajskaja ambasada ŭ Vašynhtonie nie adrazu adkazała na zapyt ab kamientary nakont dat.
Pavodle źviestak ŚMI, čakany vizit Trampa praduhledžvaje praciah pieramoŭ z kitajskim lidaram pa klučavych temach, siarod jakich mohuć być pytańni Tajvania, handlovych barjeraŭ i inšyja aśpiekty dvuchbakovych adnosin. Tramp taksama anansavaŭ vizit kitajskaha lidara Si Czińpina ŭ ZŠA bližej da kanca hoda.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary