Siamikłaśnika padmanuli telefonnyja machlary. Jany paviedamili, nibyta nie mohuć datelefanavacca da baćkoŭ, i paprasili dzicia nazvać kod z SMS-paviedamleńnia.
Paśla hetaha jany zapałochali jaho i prymusili tajemna vynieści na vulicu 22 tysiačy dalaraŭ i dzieviać tysiač rubloŭ, jakija mama i tata adkładali na kvateru, paviedamlaje «Milicyja Minska».
Školnik pakłaŭ hrošy ŭ pakiet i pakinuŭ ich na śniezie kala ŭvachodu ŭ padvał, paśla čaho pajšoŭ na ŭroki.
Apieratyŭniki kryminalnaha vyšuku ŭstanavili, što pa zadańni telefonnych machlaroŭ hetyja hrošy zabraŭ 57‑hadovy žychar Asipovičaŭ. Jon taksama staŭ achviaraj ašukancaŭ.
Pavieryŭšy, što złamyśniki aformili na jaho imia kredyt, jon uziaŭ try pazyki na 40 tysiač rubloŭ. U bankach jaho nieadnarazova papiaredžvali pra machlarstva, ale mužčyna zapeŭnivaŭ kasiraŭ, što biare hrošy na budaŭnictva.
Paźniej jon skłaŭ kupiury ŭ dva kanvierty, bo ŭ adzin jany nie źmiaščalisia, i pieradaŭ ich ašukancam. Paśla hetaha mužčyna pryjechaŭ u Minsk i zabraŭ hrošy ŭ troch minčan, u tym liku ŭ siamji školnika. Usiu sumu jon paśpieŭ pieradać nastupnamu kurjeru machlaroŭ.
Raspačatyja kryminalnyja spravy.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary