Jamu byŭ 71 hod.
Kala šaści hadzin ranicy 10 lutaha na vulicy Sacyjalistyčnaj u Słucku zaharełasia kvatera ŭ žyłym domie. Ratavalniki ŭ zadymlenym pamiaškańni znajšli haspadara na padłozie kala kanapy.
Mužčynu terminova vynieśli na vulicu i pieradali miedykam, adnak vyratavać jaho nie ŭdałosia: praz paŭhadziny lekary kanstatavali śmierć.
Ahoń nie paśpieŭ źniščyć usiu kvateru. Pavodle papiaredniaj viersii, pryčynaj trahiedyi mahła stać nieaściarožnaść pry paleńni.
Chacia ratavalniki nie nazyvali imia haspadara, ale pa pracach zrazumieła, što zahinuły — viadomy mastak-avanhardyst Uładzimir Akułaŭ.
Uładzimir Ivanavič Akułaŭ naradziŭsia ŭ 1954 hodzie ŭ Baranavičach, ale bolšaja častka jaho žyćcia źviazana sa Słuckam.
Taksama Akułaŭ žyŭ i pracavaŭ u Minsku, dzie staŭ adnym ź jaskravych udzielnikaŭ hrup biełaruskaha avanharda.
Tvory mastaka pradstaŭleny ŭ fondach Nacyjanalnaha centra sučasnych mastactvaŭ, inšych biełaruskich muziejaŭ, a taksama ŭ šmatlikich pryvatnych kalekcyjach pa ŭsim śviecie.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary