«Ja ni pra što nie škaduju. Ja pasprabavała, maryła». Lindsi Von upieršyniu prakamientavała svajo žachlivaje padzieńnie na Alimpijadzie
Lehiendarnaja amierykanskaja harnałyžnica ŭpieršyniu prakamientavała svajo padzieńnie ŭ chutkasnym spusku, što adbyłosia ŭ niadzielu.
Adpaviedny dopis 41‑hadovaja spartsmienka apublikavała na svajoj staroncy ŭ Instagram.
«Maja alimpijskaja mara skončyłasia nie tak, jak ja maryła. Heta była nie kazka, a realnaje žyćcio. Ja advažyłasia maryć i šmat pracavała, kab hetaja mara spraŭdziłasia. Ale ŭ chutkasnym spusku roźnica pamiž aptymalnaj honačnaj linijaj i katastrafičnaj traŭmaj moža składać usiaho 5 calaŭ.
Maja honačnaja linija prosta była na 5 calaŭ vyšej, čym treba. Ruka začapiłasia za varoty [ściažka], mianie raźviarnuła, i heta pryviało da padzieńnia. Maja piaredniaja kryžapadobnaja źviazka i papiarednija traŭmy tut ni pry čym.
Na žal, ja atrymała składany pierałom halonki. Ciapier kostka stabilnaja, adnak spatrebiacca šmatlikija apieracyi, kab jaje adnavić. Niahledziačy na intensiŭny bol, jaki ja adčuvała, ja ni pra što nie škaduju. Stajać u startavych varotach — heta było nievierahodnaje adčuvańnie, jakoje ja nikoli nie zabudu. Uśviedamleńnie taho, što ja stajała tam z šansami pieramahčy, užo samo pa sabie źjaŭlajecca pieramohaj. I ja viedała, što ŭdzieł u honcy — heta ryzyka. Hety sport zaŭsiody byŭ i zaŭsiody budzie niebiaśpiečnym.
Ja pasprabavała. Ja maryła. Spadziajusia, što z majoj historyi vy vyniasiecie toje, što va ŭsich vas jość śmiełaść maryć. Žyćcio zanadta karotkaje, kab admaŭlacca ad svaich šancaŭ. Bo adzinaja paraza — heta nie pasprabavać. Ja vieru ŭ vas hetak ža, jak vy vieryli ŭ mianie», — napisała amierykanka.
30 studzienia Von padčas etapu Kubka śvietu ŭ Šviejcaryi parvała piaredniuju kryžapadobnuju źviazku levaha kalena. Niahledziačy na takuju ciažkuju traŭmu, 41‑hadovaja amierykanka advažyłasia vystupić na Alimpijadzie, dzie znoŭ upała.
Lindsi — adna z samych tytułavanych harnałyžnic u historyi. Uvosień 2024 hoda jana viarnułasia ŭ sport paśla piacihadovaha pierapynku i zamieny kalennaha sustava ŭ levaj nazie.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie10
Kamientary
A zamiest jaje, bo jana naohuł nie mieła šansau, moh by vystupić chtojta inšy, zdarovy, jaki taksama chacieu by mieć svoj šaniec. Ale jana nie dała jamu hetaha šansa. Usio zabrała sabie.
I usio heta nam nikoha i ničoha nie nahadvaje z našaha žyćcia?
zaniała ċjo-to miesto, znaja, čto ničieho nie połučitsia. čudies nie byvajet.
vsie krutyje svoi dostižienija etim ona v moich hłazach połnosťju obnuliła.
i eto nie chiejt. eto pravda.
tak byvajet. był čiełoviek-lehienda, a okazałsia .... i dažie nie sožalejet.