Kiroŭca rejsavaha aŭtobusa sprabavaŭ vyvieźci ź Biełarusi ŭ Polšču kalekcyju starych banknot
37‑hadovy hramadzianin Biełarusi budzie pryciahnuty da administracyjnaj adkaznaści za sprobu niezakonnaha vyvazu z krainy bujnoj kalekcyi staradaŭnich banknot. Parušeńnie vyjavili supracoŭniki Bresckaj mytni ŭ punkcie propusku «Brest», piša Dziaržaŭny mytny kamitet.
Mužčyna jechaŭ u Polšču ŭ jakaści kiroŭcy rejsavaha aŭtobusa pa maršrucie Brest — Varšava. Padčas vusnaha apytańnia jon paviedamiŭ, što nie maje pry sabie tavaraŭ, jakija nieabchodna dekłaravać.
Adnak pry ahladzie asabistych rečaŭ mytniki znajšli ŭ jahonym zaplečniku kardonnuju skrynku sa 138 dziaržaŭnymi kredytnymi biletami roznych naminałaŭ i hadoŭ vypusku.
Pavodle zaklučeńnia mytnaha ekśpierta, 136 banknot adnosiacca da kulturnych kaštoŭnaściaŭ, pakolki jany byli stvoranyja bolš za sto hadoŭ tamu. Ahulny košt kalekcyi acenieny prykładna ŭ 1,6 tysiačy rubloŭ.
U dačynieńni da mužčyny raspačaty administracyjny praces pavodle častki 1 artykuła 15.5 Kodeksa Respubliki Biełaruś ab administracyjnych pravaparušeńniach.
Mytnyja orhany nahadvajuć, što pry vyjeździe ź Biełarusi ŭsie kulturnyja kaštoŭnaści padlahajuć abaviazkovamu mytnamu dekłaravańniu. Dla ich zakonnaha vyvazu nieabchodna atrymać dazvoł Ministerstva kultury, jaki paćviardžaje, što pieramiaščeńnie pradmietaŭ nie naniasie škody historyka-kulturnaj spadčynie krainy.
Kamientary