U niamieckim horadzie Bilefield, ziamla Paŭnočny Rejn-Viestfalija, adbyŭsia vypadak machlarstva z vykarystańniem biełaruskich kupiur, jakija vyjšli z užytku. Pra heta paviedamlaje miascovaja palicyja, piša sajt «Biełaruś i mir».
Incydent zdaryŭsia ŭ subotu 9 maja kala 14:00 na vulicy Turnier-štrase, pobač z vulicaj Frydrych-Fierlehier-štrase. Da 23‑hadovaha žychara horada, jaki prachodziŭ mima, źviarnuŭsia nieznajomy, jaki padjechaŭ na aŭtamabili.
Mužčyna raspavioŭ, što jahonaja bankaŭskaja karta nie pracuje, i paprasiŭ abmianiać biełaruskija rubli na jeŭra, kab dajechać ź siamjoj dadomu. Mužčyna daŭ jamu niekalki socień jeŭra i atrymaŭ uzamien banknoty. Tolki paźniej jon daviedaŭsia, što atrymanyja hrošy staryja i ŭžo niesapraŭdnyja, i padaŭ zajavu ŭ pravaachoŭnyja orhany.
Paciarpieły apisaŭ złačyncu jak čałavieka paŭdniovaazijackaj źniešnaści, rostam prykładna 160—170 sm, mocnaha ciełaskładu, z čornymi vałasami i hustoj čornaj baradoj. Pavodle jaho słoŭ, złamyśnik znachodziŭsia ŭ Audi Coupe z čyrvonymi numarnymi znakami. U aŭtamabili taksama siadzieli žančyna ŭ chustcy i dzicia prykładna dvuch hadoŭ. Achoŭniki paradku šukajuć mahčymych śviedak incydentu.
Hety vypadak machlarstva pry dapamozie biełaruskich hrošaj staroha, dadenaminacyjnaha ŭzoru — nie ŭnikalny, padobnyja vypadki nieadnarazova fiksavalisia i raniej. Prytym časta biełaruskija staryja rubli vydavalisia za bałharskija levy.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5555
Kamientary