Kala bierahoŭ Puerta-Ryka znajšli samalot, jaki raźbiŭsia 74 hady tamu
Amal praz 75 hadoŭ paśla avijakatastrofy daśledčyki znajšli na dnie Atłantyčnaha akijana abłomki samalota Pan Am Clipper Endeavor, jaki raźbiŭsia kala ŭźbiarežža Puerta-Ryka ŭ 1952 hodzie. Pra heta paviedamiła vydańnie The New York Times.
Samalot udałosia adšukać z dapamohaj aŭtanomnaha padvodnaha aparata. Akazałasia, što jon lažyć na hłybini kala 600 mietraŭ prykładna za vosiem kiłamietraŭ ad bieraha.
Rejs Pan Am 526A na samalocie Douglas DC-4 vykonvaŭ palot z San-Chuana ŭ Ńju-Jork. Nieŭzabavie paśla ŭźlotu ŭ łajniera stali adrazu dva ruchaviki. Kamandzir ekipaža Džon Biern pryniaŭ rašeńnie ździejśnić avaryjnuju pasadku na vadu.
Pryvadnieńnie prajšło paśpiachova, i ŭsie 69 čałaviek, jakija znachodzilisia na borcie, spačatku zastalisia žyvyja. Adnak padčas evakuacyi ŭźnikła panika. Chvastavaja častka samalota adździaliłasia, paśla čaho fiuzielaž zatanuŭ. U vyniku trahiedyi zahinuli 52 čałavieki. Hetaja katastrofa stała adnoj z pryčyn uviadzieńnia abaviazkovych instruktažoŭ pa biaśpiecy dla pasažyraŭ pierad uźlotam i pasadkaj.
Padčas daśledavańnia abłomkaŭ śpiecyjalisty znajšli łahatyp avijakampanii Pan American World Airways i častku nazvy samalota. Pavodle ich słoŭ, stan łajniera akazaŭsia značna lepšym, čym čakałasia. Na miescy katastrofy było zroblena bolš za 350 tysiač fotazdymkaŭ, ale padymać abłomki abo pareštki zahinułych nie płanujecca.
Pošuki samalota praciahvalisia kala siami hadoŭ. Ich uskładniali vialikaja hłybinia, niespryjalnaje nadvorje i pandemija karanavirusa. Dla rabot vykarystoŭvaŭsia padvodny aparat Miss Millie koštam ad 10 da 12 miljonaŭ dalaraŭ, zdolny apuskacca na hłybiniu da šaści tysiač mietraŭ.
Udzielniki ekśpiedycyi adznačyli, što znachodka maje vialikaje značeńnie dla historyi avijacyi. Kiraŭnik pošukavaj apieracyi Ras Mećjuz zajaviŭ, što jana dazvalaje złučyć sučasnaść ź minułym. Pavodle jaho słoŭ, miesca, dzie byŭ znojdzieny samalot, stanie adzinym miemaryjałam dla 39 achviar katastrofy, čyje cieły tak i nie byli znojdzienyja.
U Kałumbii raźbiŭsia samalot z bolš čym sotniaj vajskoŭcaŭ na borcie
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
Pasažyrski samalot raźbiŭsia na Bahamach — usie 10 pasažyraŭ zahinuli
11 čałaviek zahinuli ŭ Francyi pry krušeńni pryvatnaha samalota ź miedsiostrami
Suzasnavalnik Ubisoft Kłod Hijo zahinuŭ padčas krušeńnia samalota ŭ Francyi
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary