Narod pabieh hladzieć «Vaładara piarścionkaŭ» pa-biełarusku — na niekatoryja sieansy ŭžo nie nabyć kvitki
U Minsku i Hrodnie pakazvajuć pieršuju častku «Vaładara piarścionkaŭ», ahučanuju pa-biełarusku. Tym, chto choča trapić na pakazy, treba paśpiašacca — kvitki raskupajuć zahadzia.
Pakazvać buduć režysiorskuju viersiju stužki «Vaładar piarścionkaŭ: Bractva piarścionka», sieansy raspačnucca 12 lutaha. Ładziać ich u kinateatrach sietki mooon, što ŭ minskich handlovych centrach Dana Mall i Palazzo i ŭ hrodzienskim Triniti.
«Bractva piarścionka» vyjšła jašče ŭ 2001 hodzie, to-bok heta nie apošni błakbastar z rekłamaj paŭsiul. Da taho ž, režysiorskaja viersija maje praciahłaść ažno ŭ 3 hadziny 50 chvilin, što moža napužać niekatorych hledačoŭ.
I tym nie mienš, užo ciapier kvitki na niekatoryja sieansy raskuplenyja całkam. Havorka pra sieansy 12 i 13 lutaha ŭ 18 hadzin, jakija adbuducca ŭ Dana Mall, a taksama na niadzielny sieans u 14.10 u tym ža kinateatry.
Miescy na inšyja sieansy taksama chutka raskupajuć. Naprykład, kali zachočacca pajści na sieans 12 lutaha ŭ 18 hadzin u Palazzo, znajści dobraje miesca pa centry ŭžo budzie składana. Ličanyja miescy dastupnyja na sieansie ŭ Dana Mall, jaki adbudziecca 14 lutaha ŭ 14.10. Zastałosia litaralna niekalki sieansaŭ, dzie vybar miescaŭ jašče vialiki.
Prakatčykam daviałosia jašče i zapłanavać dadatkovyja sieansy — zamiest raniej abiacanych čatyroch dzion pakazu film budzie ŭ prakacie tydzień. Novyja dni pakazaŭ, z 16 pa 18 lutaha, źjavilisia ŭsiaho niekalki hadzin tamu, ale kuplajuć kvitki i na ich.
«Naša Niva» — bastyjon biełaruščyny
PADTRYMAĆCiapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary