Ukrainski bok pakul nie paviedamlaje pra apieracyju. Rasijskija vajenkary pryznajuć, što ŭkraincam udałosia ŭvajści ŭ pasiołak haradskoha typu Ciernavataja.
Ukrainskim šturmavikam udałosia prarvać rasijskuju liniju abarony, ale hłybinia, na jakoj im udasca zamacavacca, pakul niezrazumiełaja.
«U apošnija niekalki dzion faktar «suviazi» ŭnios svaje karektyvy, i nie ŭ našu karyść, — pryznaje prablemy blizki da Kramla rasijski vajenkar Juryj Padalaka. — I hetym u tym liku, a taksama tumanami, što tut pačalisia, skarystaŭsia praciŭnik, jaki, pierakinuŭšy ŭ pałasu hrupoŭki «Uschod» padraździaleńni adrazu SIAMI šturmavych pałkoŭ i TROCH šturmavych bryhad, sprabuje razhramić našy «dalokaŭschodnija» armii. Pa sutnaści, tut pačałasia hałoŭnaja bitva zimovaj kampanii, vynik jakoj vyrašyć mnohaje», — piša Padalaka.
Źviazany z rasijskim Minabarony vajenkar Rybar namalavaŭ takuju kartu situacyi. Jon śćviardžaje, što asobnym hrupam ukraincaŭ udałosia pratačycca ŭhłyb pazicyj, raniej zaniatych rasijskimi vojskami, ale havorka pra ŭstojlivy kantrol pakul nie idzie. Adnak varta ŭličvać, što Rybar padaje infarmacyju tak, jak vyhadna Maskvie.
Hulaj-Pole, abo Hulajpole — heta haradok u Zaparožskaj vobłaści, u jakim da vajny žyło 13 tysiač čałaviek. Jaho zachop staŭ najbolšym pośpiecham rasijskaj armii za apošnija paŭhoda.
Abarona Hulajpola praciahvałasia amal čatyry hady, z sakavika 2022-ha. U kastryčniku 2025‑ha Uładzimir Zialenski prysvoiŭ Hulajpolu zvańnie «horad-hieroj».
Rasijskija vojski prarvalisia pad Hulajpolem try miesiacy nazad, u pačatku listapada 2025-ha, kali zaniali stratehična važnyja sioły Sałodkaje, Novaje i Uśpienaŭka.
Pravał u abaronie zdaryŭsia, kali słaba padrychtavany ŭkrainski bataljon zapanikavaŭ paśla ŭvachodu ŭ horad małoj hrupy rasijskich šturmavikoŭ. Kamandny punkt USU ŭ Hulajpoli byŭ pakinuty biez boju.
Za try nastupnyja miesiacy rasijanam udałosia tut prasunucca na 5—15 kiłamietraŭ u zachodnim kirunku. Ciapier ukraincy adbili niekalki kiłamietraŭ.
-
U Razani paśla ataki dronaŭ haryć NPZ, jaki zabiaśpiečvaje palivam Maskvu
-
Kušnier raskazaŭ, jakoha miru ZŠA chočuć dla Ukrainy
-
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času
Ciapier čytajuć
Chto takaja Alesia Parchomienka z Kipra, jakaja raźviazała biełaruska-biełaruskuju vajnu53
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary
Kali vy čytali artykuł, jon całkam pieradaje infarmacyju rasiejskich vajenkaraŭ... Ukrainskija krynicy maŭčać...