Ukrainski bataljon u panicy pakinuŭ Hulajpole paśla ŭvachodu ŭ horad rasijskich šturmavikoŭ
Kamandny punkt USU ŭ Hulajpoli pakinuli biez boju z-za paniki asabovaha składu i niadbajnych dziejańniaŭ kamandziraŭ, niahledziačy na toje, što ŭ horad zajšła infiltravanaja hrupa tolki z troch vajskoŭcaŭ RF, paviedamiŭ «Suśpilnamu» kamandzir 1‑ha šturmavoha pałka Dźmitryj Fiłataŭ.
Pavodle słoŭ Fiłatava, ukrainskich bajcoŭ było dastatkova, kab adbić ataku, a srodki i nośbity infarmacyi z kamandna-naziralnaha punkta nie byli źniščany.
25 śniežnia rasijskija kanały raspaŭsiudzili videa z centra Hulajpola (Zaparožskaja vobłaść), dzie pakazali zachopleny kamandna-naziralny punkt (KNP) 1‑ha bataljona 106‑j bryhady terytaryjalnaj abarony Ukrainy. Na kadrach bačny mapy, piačatki, noŭtbuki i navat niezaparoleny smartfon ź pierapiskaj.
Kamandny punkt raźmiaščaŭsia ŭsiaho za 700 mietraŭ ad linii frontu, što ekśpierty nazyvajuć «hrebavańniem bazavymi pryncypami biaśpieki».
Kamandzir 1‑ha šturmavoha pałka Dźmitryj Fiłataŭ zajaviŭ, što KNP byŭ pakinuty «biez boju praz paniku». Pavodle jaho słoŭ, u budynak prasačylisia ŭsiaho troje rasijskich vajskoŭcaŭ, jakija pačali šturm biez padtrymki artyleryi, ale ŭkrainskija aficery zamiest adporu nadumali adstupić, nie źniščyŭšy pry hetym nośbity infarmacyi.
Vajskovyja ekśpierty adznačajuć, što strata KNP — heta najpierš reputacyjny ŭdar i prykmieta «chaosu ŭ kiraŭnictvie».
Hałoŭnaja prablema ŭ tym, što bataljon na peŭny čas straciŭ kiravańnie, što dazvalaje rasijanam prasoŭvacca ŭhłyb Hulajpola.
Analityki zaznačajuć, što Hulajpole pieratvarajecca ŭ «vialikuju šeruju zonu», dzie vuličnyja bai iduć za kožny dom, a rasijanie majuć kolkasnuju pieravahu.
Na hety momant kamandzir bataljona adchileny ad pasady.
Śpikier Sił abarony Poŭdnia Uładzisłaŭ Vałošyn zajaviŭ, što idzie rasśledavańnie i vyvučeńnie situacyi ŭ Hulajpoli, paśla čaho infarmacyju apublikujuć, ničoha chavać nie buduć.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
[Zredahavana]