Украінскі бок пакуль не паведамляе пра аперацыю. Расійскія ваенкары прызнаюць, што ўкраінцам удалося ўвайсці ў пасёлак гарадскога тыпу Цернаватая.
Украінскім штурмавікам удалося прарваць расійскую лінію абароны, але глыбіня, на якой ім удасца замацавацца, пакуль незразумелая.
«У апошнія некалькі дзён фактар «сувязі» ўнёс свае карэктывы, і не ў нашу карысць, — прызнае праблемы блізкі да Крамля расійскі ваенкар Юрый Падаляка. — І гэтым у тым ліку, а таксама туманамі, што тут пачаліся, скарыстаўся праціўнік, які, перакінуўшы ў паласу групоўкі «Усход» падраздзяленні адразу СЯМІ штурмавых палкоў і ТРОХ штурмавых брыгад, спрабуе разграміць нашы «далёкаўсходнія» арміі. Па сутнасці, тут пачалася галоўная бітва зімовай кампаніі, вынік якой вырашыць многае», — піша Падаляка.
Звязаны з расійскім Мінабароны ваенкар Рыбар намаляваў такую карту сітуацыі. Ён сцвярджае, што асобным групам украінцаў удалося пратачыцца ўглыб пазіцый, раней занятых расійскімі войскамі, але гаворка пра ўстойлівы кантроль пакуль не ідзе. Аднак варта ўлічваць, што Рыбар падае інфармацыю так, як выгадна Маскве.
Гуляй-Поле, або Гуляйполе — гэта гарадок у Запарожскай вобласці, у якім да вайны жыло 13 тысяч чалавек. Яго захоп стаў найбольшым поспехам расійскай арміі за апошнія паўгода.
Абарона Гуляйполя працягвалася амаль чатыры гады, з сакавіка 2022-га. У кастрычніку 2025‑га Уладзімір Зяленскі прысвоіў Гуляйполю званне «горад-герой».
Расійскія войскі прарваліся пад Гуляйполем тры месяцы назад, у пачатку лістапада 2025-га, калі занялі стратэгічна важныя сёлы Салодкае, Новае і Успенаўка.
Правал у абароне здарыўся, калі слаба падрыхтаваны ўкраінскі батальён запанікаваў пасля ўваходу ў горад малой групы расійскіх штурмавікоў. Камандны пункт УСУ ў Гуляйполі быў пакінуты без бою.
За тры наступныя месяцы расіянам удалося тут прасунуцца на 5—15 кіламетраў у заходнім кірунку. Цяпер украінцы адбілі некалькі кіламетраў.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Kali vy čytali artykuł, jon całkam pieradaje infarmacyju rasiejskich vajenkaraŭ... Ukrainskija krynicy maŭčać...