Расійскія войскі занялі чатыры сялы пад Запарожжам, пагроза навісла над горадам Гуляйполе
Расіяне занялі сёлы Салодкае, Новае і Успенаўка. Паводле звестак праекта DeepState, Расія цяпер наступае на сяло Раўнаполле за 11 кіламетраў на поўнач ад Гуляйполя. Яго захоп адкрые дарогу на сам горад.
Пра адбіццё атак на Раўнаполле рэгулярна паведамляюць апошнія дні і Сілы абароны поўдня Украіны.
За апошні месяц расійскія вайскоўцы прасунуліся тут прыкладна на 10 км, а УСУ не змаглі ўтрымаць абарончыя рубяжы на рацэ Янчур, паведаміў прадстаўнік даследчай групы Conflict Intelligence Team (CIT).
Тэмпы наступу, мяркуючы па ўсім, растуць. Расійскія вайскоўцы цяпер праходзяць па 4—5 км за некалькі дзён, мяркуе аналітык Ян Мацвееў.
«Пасля падзення Успенаўкі (за 18 км на паўночны ўсход ад Гуляйполя — НН), здаецца, больш няма ні абарончых пазіцый, ні ўкраінскіх войскаў, якія маглі б запаволіць прасоўванне праціўніка», — напісаў вайсковы аналітык нямецкага выдання Bild Юліян Рэпке. Тое, што адбываецца, эксперт ахарактарызаваў як «лакальны абвал абароны» УСУ.
Гуляйполе можа быць страчана ў найбліжэйшы месяц, а можа і тыдні, папярэджваюць эксперты. «УСУ не мае сілаў і магчымасцяў стабілізаваць гэты наступ, ва ўсялякім разе пакуль», — мяркуе Ян Мацвееў.
Цяпер чытаюць
Сяргей Ціханоўскі запусціў свой ютуб-канал з вершамі і казкамі63
Каментары