MAK zabaraniŭ ukrainskamu skieletanistu vystupać u šlemie z vyjavami spartsmienaŭ, zahinułych na vajnie
Mižnarodny alimpijski kamitet zabaraniŭ ukrainskamu skieletanistu Uładzisłavu Hieraskieviču vystupać na Alimpijskich hulniach 2026 hoda ŭ śpiecyjalnym šlemie. Pra heta 27‑hadovy spartsmien paviedamiŭ na svajoj staroncy ŭ instahramie, piša champion.com.ua.
Pa słovach Uładzisłava Hieraskieviča, zabarona tyčycca jak trenirovak, tak i aficyjnych spabornictvaŭ padčas Alimpijady. Ukrainski bok užo rychtuje aficyjny zvarot da MAK i płanuje zmahacca da kanca, kab atrymać dazvoł vystupać mienavita ŭ hetym šlemie.
Na šlem naniesienyja vyjavy ŭkrainskich spartsmienaŭ, jakija zahinuli ŭ vyniku rasijskaha ŭvarvańnia. Hieraskievič užo paśpieŭ pravieści pieršyja treniroŭki na hulniach u Miłanie ŭ hetaj ekipiroŭcy.
Spartsmien nazvaŭ rašeńnie MAK vielmi balučym i zajaviŭ, što jano vyhladaje jak zdrada pamiaci atletaŭ, jakija byli častkaj alimpijskaha ruchu, ale ŭžo nikoli nie zmohuć vyjści na spartyŭnuju arenu. Jon taksama padkreśliŭ, što raniej u historyi i sučasnaści isnavali vypadki, kali MAK dazvalaŭ padobnyja formy ŭšanavańnia, adnak ciapier dla Ukrainy byli ŭviedzienyja asobnyja, bolš žorstkija praviły.
Raniej Hieraskievič užo paviedamlaŭ, što atrymlivaŭ papiaredžańni ad MAK z patrabavańniem ustrymacca ad lubych publičnych pratestaŭ suprać rasijskaj ahresii padčas Alimpijskich hulniaŭ.
Padčas pieršych trenirovačnych zajezdaŭ spartsmien pakazaŭ vysokija vyniki: u pieršaj sprobie jon staŭ piatym, a ŭ druhoj zaniaŭ treciaje miesca. Nastupnyja treniroŭki adbuducca 10 i 11 lutaha, a pieršy start užo na spabornictvach zapłanavany na 12 lutaha.
Alimpijada-2026 stanie dla Uładzisłava Hieraskieviča treciaj u karjery. Na Hulniach 2018 hoda ŭ karejskim Pchiončchanie jon zaniaŭ 12‑ie miesca, a ŭ 2022 hodzie u Piekinie — 18-je.
18‑hadovaja ściahanosca zbornaj Małdovy akazałasia zaciataj pucinistkaj
Alimpijada jašče tolki pačałasia, a zavajavanyja miedali ŭ niekatorych pryzioraŭ užo pałamalisia
Łyžnik z Haici zaniaŭ na Alimpijadzie apošniaje miesca, ale sarvaŭ apładysmienty
Lindsi Von znachodzicca ŭ stabilnym stanie paśla padzieńnia na Alimpijadzie-2026
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary
Nie! Vyjście JOŚĆ! Treby hetyja fota z naružy šlema PIERAMIASCIĆ unutr šlema. I ab hetym abjavić pryludna. MOK ničoha nie zmoža zrabić, a ukrainskij bok zastaniecca na svajoj pryncypovaj pazicyi.