Jašče ŭ śniežni Arkia abviaściła pra namier adkryć pramy avijarejs pamiž Minskam i Tel-Avivam. Paloty płanavałasia zapuścić u lutym 2026 hoda z častatoj dva razy na tydzień — pa paniadziełkach i piatnicach. Adnak ni ŭ studzieni, ni ŭ lutym nabyć kvitki na sajcie pieravozčyka tak i nie ŭdałosia, a ŭ Nacyjanalnym aeraporcie Minsk nie mieli infarmacyi pra mahčymyja terminy startu rejsaŭ.
Jak paviedamlajuć izrailskija avijacyjnyja krynicy, situacyja źviazanaja z tym, što na fonie hieapalityčnych padziej u rehijonie i nakładzienych na Biełaruś sankcyj jeŭrapiejskija strachavyja kampanii admovilisia strachavać paloty ŭ Minsk. U suviazi z hetym Arkia źviarnułasia da ŭładaŭ Izraila z prośbaj zabiaśpiečyć dla hetaha maršrutu dziaržaŭnaje strachavańnie — pa anałohii z rejsami ŭ Maskvu.
Pakul pytańnie sa strachavym pakryćciom nie budzie vyrašana, zapusk palotaŭ u Biełaruś zastajecca niemahčymym. Pry hetym raniej paviedamlałasia, što biełaruskaja avijakampanija Belavia paśla amal čatyrochhadovaha pierapynku adnaviła rehularnyja rejsy ź Minska ŭ Tel-Aviŭ z 8 studzienia.
Kamientary