Pucin nazvaŭ zabojstva Chamieniei cyničnym parušeńniem usich normaŭ marali i prava. Łukašenka maŭčyć
Zabojstva viarchoŭnaha lidara Irana Ali Chamieniei i jaho rodnych ździejśniena z cyničnym parušeńniem usich normaŭ čałaviečaj marali i mižnarodnaha prava. Tak zajaviŭ prezident RF Uładzimir Pucin u telehramie spačuvańnia prezidentu Irana Masudu Piezieškijanu.
«Prymicie hłybokija spačuvańni ŭ suviazi z zabojstvam viarchoŭnaha kiraŭnika Isłamskaj Respubliki Iran Siejeda Ali Chamieniei i členaŭ jaho siamji, ździejśnienym z cyničnym parušeńniem usich normaŭ čałaviečaj marali i mižnarodnaha prava», — havorycca ŭ telehramie, apublikavanaj na sajcie Kramla.
«Prašu pieradać słovy samaj ščyraj simpatyi i padtrymki rodnym i blizkim viarchoŭnaha kiraŭnika, uradu i ŭsiamu narodu Irana», — dadaŭ Pucin.
«U našaj krainie ajatału Chamieniei buduć pamiatać jak vydatnaha dziaržaŭnaha dziejača, jaki ŭnios vielizarny asabisty ŭkład u raźvićcio družalubnych rasijska-iranskich adnosin, vyviadzieńnie ich na ŭzrovień usieabdymnaha stratehičnaha partniorstva», — havorycca ŭ paviedamleńni.
Iran staŭ adnym z najvažniejšych partnioraŭ Rasii ŭ ahresii suprać Ukrainy — jon pieradavaŭ joj zbroju (asabliva viadomyja drony «šachied»), a taksama vajskovyja technałohii.
Alaksandr Łukašenka pakul maŭčyć, delehavaŭšy staršyniu Pałaty pradstaŭnikoŭ Iharu Sierhiajenku vykazvańnie spačuvańniaŭ.
Sierhiajenka nakiravaŭ aficyjny zvarot svajmu iranskamu kalehu Machamadu Bahieru Halibafu.
«Biełaruskija parłamientaryi hłyboka ŭzrušanyja trahičnaj viestkaj pra šmatlikija čałaviečyja achviary hramadzianskaha nasielnictva i razbureńni ŭ Iranie», — havorycca ŭ paviedamleńni.
«Žadajem chutčejšaha vyrašeńnia vajennaha kanfliktu mirnym šlacham i narmalizacyi situacyi ŭ krainie», — adznačana ŭ spačuvańni ad biełaruskich deputataŭ.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj22
Kamientary