Пуцін назваў забойства Хаменеі цынічным парушэннем усіх нормаў маралі і права. Лукашэнка маўчыць
Забойства вярхоўнага лідара Ірана Алі Хаменеі і яго родных здзейснена з цынічным парушэннем усіх нормаў чалавечай маралі і міжнароднага права. Так заявіў прэзідэнт РФ Уладзімір Пуцін у тэлеграме спачування прэзідэнту Ірана Масуду Пезешкіяну.
«Прыміце глыбокія спачуванні ў сувязі з забойствам вярхоўнага кіраўніка Ісламскай Рэспублікі Іран Сееда Алі Хаменеі і членаў яго сям'і, здзейсненым з цынічным парушэннем усіх нормаў чалавечай маралі і міжнароднага права», — гаворыцца ў тэлеграме, апублікаванай на сайце Крамля.
«Прашу перадаць словы самай шчырай сімпатыі і падтрымкі родным і блізкім вярхоўнага кіраўніка, ураду і ўсяму народу Ірана», — дадаў Пуцін.
«У нашай краіне аяталу Хаменеі будуць памятаць як выдатнага дзяржаўнага дзеяча, які ўнёс велізарны асабісты ўклад у развіццё дружалюбных расійска-іранскіх адносін, вывядзенне іх на ўзровень усеабдымнага стратэгічнага партнёрства», — гаворыцца ў паведамленні.
Іран стаў адным з найважнейшых партнёраў Расіі ў агрэсіі супраць Украіны — ён перадаваў ёй зброю (асабліва вядомыя дроны «шахед»), а таксама вайсковыя тэхналогіі.
Аляксандр Лукашэнка пакуль маўчыць, дэлегаваўшы старшыню Палаты прадстаўнікоў Ігару Сергяенку выказванне спачуванняў.
Сергяенка накіраваў афіцыйны зварот свайму іранскаму калегу Махамаду Багеру Галібафу.
«Беларускія парламентарыі глыбока ўзрушаныя трагічнай весткай пра шматлікія чалавечыя ахвяры грамадзянскага насельніцтва і разбурэнні ў Іране», — гаворыцца ў паведамленні.
«Жадаем хутчэйшага вырашэння ваеннага канфлікту мірным шляхам і нармалізацыі сітуацыі ў краіне», — адзначана ў спачуванні ад беларускіх дэпутатаў.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары