Pryznačana časovaja ŭłada Irana, što budzie ciapier kiravać krainaj. Jaje hałoŭnaja meta — utrymać kiraŭnictva krainaj.
Paśla hibieli ajatały Ali Chamieniei ŭ Iranie aficyjna vyznačyli skład časovaj rady, jaki budzie vykonvać funkcyi vyšejšaha kiraŭnictva krainy. U hety orhan uvajšli try klučavyja fihury: prezident Irana Masud Piezeškijan, kiraŭnik sudovaj ułady Halam Chasejn Machseni-Edžei i pradstaŭnik Rady vartavych kanstytucyi ajatała Alireza Arafi.
Mienavita hetaja trojka budzie adkazvać za dziaržaŭnaje kiravańnie, pakul Rada ekśpiertaŭ — śpiecyjalny schod z 88 aŭtarytetnych bahasłovaŭ — nie abiare pastajannaha Viarchoŭnaha lidara.
Časovym vykanaŭcam abaviazkaŭ Viarchoŭnaha lidara (rachbara) pryznačany ajatała 66‑hadovy Alireza Arafi.
Jon ličycca adnoj z samych upłyvovych postaciaŭ u relihijnaj ijerarchii krainy, bo adnačasova ŭvachodzić i ŭ Radu vartavych kanstytucyi, jakaja sočyć za zakonami, i ŭ Radu ekśpiertaŭ, jakaja vybiraje kiraŭnika dziaržavy. Da taho ž Arafi mieŭ reputacyju čałavieka, jakomu ajatała Chamieniei daviaraŭ najbolš važnyja dziaržaŭnyja spravy.
Ciapier hałoŭnaja zadača hetaj rady — utrymać kantrol nad krainaj. Alireza Arafi budzie ažyćciaŭlać ahulnaje kiraŭnictva respublikaj u hety pierachodny pieryjad, abapirajučysia na padtrymku prezidenta jak kiraŭnika vykanaŭčaj ułady i sudovaj sistemy.
-
U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
-
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
-
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Kamientary