U Rečycy zatrymali pjanuju žančynu za rulom, jakaja atrymała paśviedčańnie ŭsiaho miesiac tamu
Ciapier žančyna 5 hadoŭ budzie znoŭ biez pravoŭ.
U Rečycy supracoŭniki DAI zaŭvažyli aŭtamabil «falksvahien», jaki pavodziŭ siabie na darozie dziŭna: mašyna jechała biez uklučanych far, ale kiroŭca biazładna mihaŭ pavarotnikami.
Jak vyśvietliłasia paźniej, pryčynaj takoj «hulni» byŭ nie techničny zboj, a mocnaje ałkaholnaje apjanieńnie.
Za styrnom znachodziłasia 36‑hadovaja miascovaja žycharka. Jana pryznałasia inśpiektaram, što vypiła «troški». Adnak miedycynski ahlad pakazaŭ 1,3 pramile ałkaholu ŭ kryvi.
Žančyna zusim niadaŭna atrymała paśviedčańnie — tolki ŭ minułym miesiacy. Za pjanuju pajezdku jaje pazbavili paśviedčańnia kiroŭcy adrazu na 5 hadoŭ. Akramia taho, parušalnicy pryjdziecca vypłacić vielizarny štraf sumaj 200 bazavych adzinak, što składaje 9 tysiač rubloŭ.
Kamientary