«Reniesans jadziernaj enierhietyki» — ES płanuje inviestavać u małyja atamnyja elektrastancyi
ES vydzialaje 200 miljonaŭ jeŭra na mini-reaktary i rychtujecca stać atamnym chabam.
Staršynia Jeŭrakamisii Ursuła fon der Lajen na mižnarodnym samicie pa jadziernaj enierhietycy pad Paryžam zajaviła: «U apošnija hady my nazirajem suśvietny reniesans jadziernaj enierhietyki. I Jeŭropa choča ŭdzielničać u hetym reniesansie», pieradaje BILD.
Zatym jana pradstaviła novuju jeŭrapiejskuju enierhietyčnuju stratehiju — inviestavać u małyja modulnyja reaktary i padrychtavać hetuju technałohiju da ŭkaranieńnia da pačatku 2030‑ch hadoŭ.
Mini-reaktary, pavodle słoŭ fon der Lajen, u budučyni pavinny adyhryvać klučavuju rolu — jak hnutkaje, biaśpiečnaje i efiektyŭnaje dapaŭnieńnie da tradycyjnych jadziernych reaktaraŭ.
Kab chutčej vyvieści mini-reaktary na rynak, płanujecca stvaryć adzinyja technałahičnyja standarty na ŭzroŭni ES (pakolki zaduma moža spracavać tolki pry maštabnaj vytvorčaści takich reaktaraŭ). Transhraničnaje supracoŭnictva — vyrašalny faktar.
Fon der Lajen skazała: «Asnoŭnaja ideja prostaja: kali prymianieńnie technałohii biaśpiečnaje, pavinna być lohka vykarystoŭvać jaje pa ŭsioj Jeŭropie».
Akramia taho, nieabchodnyja inviestycyi. «Siońnia ja mahu abviaścić, što my padtrymajem inviestycyi ŭ inavacyjnyja jadziernyja technałohii ŭ pamiery 200 miljonaŭ jeŭra», — zajaviła jana.
Hetyja srodki ad ES pavinny źnizić inviestycyjnyja ryzyki i pryciahnuć inviestaraŭ u atamnuju halinu.
«Našy ambicyi nie abmiažoŭvajucca małymi modulnymi reaktarami. My pavinny taksama ŭmacavać usiu jadziernuju ekasistemu — ad paliva da technałohij, ad łancužkoŭ pastavak da kampietencyj. <…> Jeŭropa pavinna stać hłabalnym centram jadziernaj enierhietyki nastupnaha pakaleńnia», — padkreśliła kiraŭnica Jeŭrakamisii.
Ciapier čytajuć
Aryštavali pradstaŭnikoŭ kampanii Bayer u Biełarusi3
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary