Ci davać Kolu Łukašenku dadatkovuju stypiendyju, budzie vyrašać jaho maci i niaviestka Hanna Siałuk
Ich uklučyli ŭ radu, jakaja raźmiarkoŭvaje stypiendyi.
Kamu z talenavitaj moładzi vydzialać dadatkovyja stypiendyi i hranty sa śpiecfondu Łukašenki, ciapier budzie vyrašać adzinaja Respublikanskaja rada pa padtrymcy adoranaj moładzi. Heta praduhledžana Ukazam ad 5 sakavika. Raniej takich struktur było čatyry.
Staršynioj Respublikanskaj rady pryznačyli staršyniu Prezidyuma NAN Biełarusi Uładzimira Karanika. Stała viadoma, chto jašče ŭvajšoŭ u skład.
Siarod imionaŭ — Iryna Abielskaja (maci Mikałaja Łukašenki i hałoŭnaja doktarka Respublikanskaha kliničnaha miedcentru) i Hanna Łukašenka (viadomaja jak Siałuk, staršynia rady dyrektaroŭ «Muzyčnaj miedyjakampanii»).
Uklučyli taksama hiendyrektara Nacyjanalnaj biblijateki Vadzima Hihina, dyrektara Minskaha NPC chirurhii, transpłantałohii i hiematałohii Aleha Rumo, staršyniu abjadnańnia «Viedy» Alaksieja Aŭdonina, pieršaha namieśnika staršyni praŭleńnia Nacbanka Alaksandra Jahorava.
U radu ŭvajšli taksama niekalki čynoŭnikaŭ, pradstaŭnikoŭ univiersitetaŭ, navukoŭcaŭ.
Adznačym, što Kola Łukašenka, jaki vučycca na bijafaku BDU, atrymlivaje stypiendyju sa śpiecfondu baćki ź pieršaha kursa. Ciapier małodšy syn Łukašenki na čaćviortym, apošnim, kursie. Kali jon vyrašyć praciahnuć navučańnie ŭ mahistratury, ci davać jamu stypiendyju, buduć vyrašać u tym liku jaho maci i žonka brata. Z ulikam taho, što Łukašenka abmiarkoŭvaŭ stvareńnie prahramy mahistratury pamiž Piekinskim univiersitetam i BDU, taki varyjant całkam vierahodny.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie7
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary