Viadomy biełaruski top-mieniedžar pachvaliŭsia, što vyvučyŭ francuzskuju da ŭzroŭniu V1 za čatyry miesiacy
Alaksandr Śliborski — techničny dyrektar i suzasavalnik Qulix, viadomaj u śviecie IT-kampanii ź biełaruskimi karaniami. Apošnija hady kampanija aktyŭna sprabuje pašyryć koła jeŭrapiejskich partnioraŭ. Śliborski vyklikaŭ furor u biełaruskim siehmiencie Linkedin, kali pryznaŭsia, što chutka vyvučyŭ francuzskuju movu biez repietytara.
Qulix — daŭniaja biełaruskaja kampanija z ofisami ŭ roznych krainach śvietu (na siońnia centralnym ukazany polski, pry hetym u biełaruskim ofisie zastajucca pracavać sotni ludziej, jakija hienierujuć 30 miljonaŭ rubloŭ hadavoha dachodu).
Kampanija śpiecyjalizujecca na rašeńniach dla bankinha i fintecha. Siarod klijentaŭ — Vodafone, francuzskija banki Societe Generale, BNP Paribas i inš.
Alaksandr Śliborski — adzin z suzasnavalnikaŭ i najbolš publičnych asobaŭ u kampanii. Paznavalny ŭ asiarodkach biznesoŭcaŭ i prahramistaŭ.
Niadaŭna jon pachvaliŭsia ŭ Linkedin svaim linhvistyčnym praryvam, supravadziŭšy dokazam — siertyfikatam ab zdačy francuzskaj movy na ŭzrovień V1.
Uzrovień B1 (Intermediate abo «siaredni») — heta stupień vałodańnia zamiežnaj movaj pavodle sistemy CEFR, jakaja dazvalaje ŭpeŭniena kamunikavać u bolšaści situacyj padčas padarožžaŭ, razumieć asnoŭnyja dumki vyraznaj movy, čytać nieskładanyja teksty i apisvać uražańni, padziei i płany.
«Z poŭnaha nula da aficyjnaha ŭzroŭniu B1 pa francuzskaj za 4 miesiacy samastojna i biez čyt-kodaŭ. […] Dla mianie heta było adnym z samych składanych navučańniaŭ u žyćci i pryniesła vialikaje zadavalnieńnie ad vyniku.
Nie raz i nie dva ŭ hałavie źjaŭlalisia dumki, što ja ŭžo zanadta stary dla ŭsiaho hetaha […], što ŭ mianie nie atrymajecca vyvučyć novuju movu, tym bolš — u takija terminy. Ja nie razumieŭ ni słova z taho, što čuŭ, ja nie moh zapomnić usie hetyja vyklučeńni i vyklučeńni z vyklučeńniaŭ, mianie zasmučała, što hetaja mova zusim nie padobnaja da anhlijskaj (bolš za toje, mnie pastajanna zdavałasia, što viedańnie anhlijskaj vielmi mocna pieraškadžaje ŭ vyvučeńni).
Chaciełasia rassłabicca i zakinuć usio. Tym bolš ja nikoli nie mieŭ schilnaści da moŭ (adzinaja čaćviorka ŭ škole ŭ mianie była mienavita pa anhlijskaj, i kryž na maich zdolnaściach narmalna razmaŭlać pa-anhlijsku nastaŭnica pastaviła tam ža)», — napisaŭ Śliborski i dadaŭ sakret pośpiechu.
«Kali vy takija ž i kali ŭ vas taksama nie atrymlivajecca, ale vielmi treba, u mianie jość čaroŭnaja tabletka. Ale prymać jaje treba rehularna. Kožny dzień. Navat kali vam zdajecca, što heta biessensoŭna. Ja dumaju, mienavita heta mnie i dapamahło. Kožny dzień ja nadavaŭ minimum 15 chvilin (čaściej 30—45), ja skłaŭ svaju prahramu, i ja vielmi chacieŭ — prosta chacieŭ dajści da vyniku.
I ciapier na ŭłasnym dośviedzie mahu skazać: matyvacyja i dyscyplina (asabliva kali matyvacyi niama) robiać cudy», — paraiŭ jon i dadaŭ, što spadziajecca, što śledam za francuzskaj movaj atrymajecca lepš rassmakavać i francuzski rynak.
U kamientaryjach Śliborskamu zaŭvažyli, što zdać ekzamien na V1 i viedać movu na tym ža ŭzroŭni — heta nie toje ž samaje. Biełaruski biznesoviec pahadziŭsia z zaŭvahaj.
Kamientary