U minułym hodzie biełarusy padali 7700 padatkovych dekłaracyj pa zvyšdachodach za 2024 hod. Pra heta paviedamiŭ načalnik hałoŭnaha ŭpraŭleńnia padatkaabkładańnia fizičnych asob Ministerstva padatkaŭ i zborach Andrej Kavaleŭski, piša «Ekonomičieskaja hazieta».
Bolšaść — kala 75% — hramadzian, jakija atrymali dachod bolš za 200 tysiač rubloŭ za 2024 hod, žyli ŭ Minsku i Minskaj vobłaści.
Pavyšanaja staŭka padatku 25% dziejničała dla dachodaŭ ad pracy, dyvidendaŭ i dachodaŭ pa hramadzianska-pravavych damovach. Bolš za 60% dekłaracyj tyčylisia dachodaŭ z-za miažy, pieravažna z krain SND.
Jaki ŭ minułym hodzie byŭ zadekłaravany maksimalny dachod, Andrej Kavaleŭski ŭdakładniać nie staŭ.
«Usio ž taki heta peŭnaja stupień padatkovaj tajamnicy, ale mahu skazać, što heta byli dyvidendy ad biełaruskaj arhanizacyi. I dyvidendy składali istotna bolš za 10 miljonaŭ rubloŭ. Nie 100 miljonaŭ rubloŭ, ale istotna bolš za 10 miljonaŭ rubloŭ», — adznačyŭ jon.
Na 9 sakavika 2026 hoda ŭžo było padadziena kala 20 tysiač dekłaracyj za 2025 hoda, a da kanca kampanii čakajuć 45—50 tysiač dekłaracyj. Termin padačy za 2025 hod — nie paźniej za 31 sakavika 2026 hoda, apłata padatku — nie paźniej za 1 červienia 2026 hoda.
Budaŭnik z Mahilova raskazaŭ, kolki zarablaje i čamu bolš nie choča pracavać u Rasii
«Skažycie, u jakoj Biełarusi siaredni zarobak 886 dalaraŭ?» — «Na małakazavodzie!»
Hrošy hrabuć akcyjaniery, a nie naniatyja rabotniki: takaja ciapier ekanomika, i budzie jašče horš (ci lepš?)
Biełarusy buduć płacić padatak za suvieniry ź mierapryjemstvaŭ
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary