Z 2026 hoda ŭ Biełarusi ŭviali novuju normu ŭ Padatkovym kodeksie: padatkam na dachody ciapier budzie abkładacca suvienirnaja pradukcyja, jakuju ludzi atrymlivajuć na roznych mierapryjemstvach, piša Office Life.
Havorka idzie pra takija rečy, jak miedali, kancylarskija tavary, drukavanaja pradukcyja, statuetki, birulki i inšyja pamiatnyja padarunki. Dla ich ustanoŭleny hadavy limit — 259 rubloŭ ad adnaho arhanizatara.
Jak rastłumačyŭ staršynia ekśpiertnaha savieta Pałaty padatkovych kansultantaŭ Aleh Burdziuk padčas štohadovaha padatkovaha intensivu ŭ Minsku, kali sumarny košt atrymanych za hod suvieniraŭ ad adnaho arhanizatara pieravysić hety paroh, atrymalniku daviadziecca zapłacić padachodny padatak.
Ekśpiert papiaredziŭ, što tym, chto časta naviedvaje mierapryjemstvy adnaho i taho ž arhanizatara, varta być uvažlivymi — u takich vypadkach možna atrymać paviedamleńnie z padatkovaj.
Važna, što heta praviła dziejničaje tolki dla suvieniraŭ, jakija ŭručajucca jak pamiatnyja rečy abo ŭ pradstaŭničych metach. Staŭka padachodnaha padatku ŭ Biełarusi zastajecca raniejšaj — 13%.
Kamientary