З 2026 года ў Беларусі ўвялі новую норму ў Падатковым кодэксе: падаткам на даходы цяпер будзе абкладацца сувенірная прадукцыя, якую людзі атрымліваюць на розных мерапрыемствах, піша Office Life.
Гаворка ідзе пра такія рэчы, як медалі, канцылярскія тавары, друкаваная прадукцыя, статуэткі, бірулькі і іншыя памятныя падарункі. Для іх устаноўлены гадавы ліміт — 259 рублёў ад аднаго арганізатара.
Як растлумачыў старшыня экспертнага савета Палаты падатковых кансультантаў Алег Бурдзюк падчас штогадовага падатковага інтэнсіву ў Мінску, калі сумарны кошт атрыманых за год сувеніраў ад аднаго арганізатара перавысіць гэты парог, атрымальніку давядзецца заплаціць падаходны падатак.
Эксперт папярэдзіў, што тым, хто часта наведвае мерапрыемствы аднаго і таго ж арганізатара, варта быць уважлівымі — у такіх выпадках можна атрымаць паведамленне з падатковай.
Важна, што гэта правіла дзейнічае толькі для сувеніраў, якія ўручаюцца як памятныя рэчы або ў прадстаўнічых мэтах. Стаўка падаходнага падатку ў Беларусі застаецца ранейшай — 13%.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары