«Muravanku Chraptovičaŭ» znoŭ pradajuć ź vielizarnaj źnižkaj, usiaho za 90 rubloŭ
Na aŭkcyjon znoŭ vystavili kompleks zakinutych haspadarčych pabudoŭ, jakija adnosiacca da byłoj siadziby Chraptovičaŭ.
U narodzie jaje nazyvajuć «Muravanka Chraptovičaŭ». Ruiny znachodziacca ŭ Hrodzienskaj vobłaści i ŭsio nijak nie mohuć znajści haspadara. Praź niekalki nie adbytych aŭkcyjonaŭ łot addajuć litaralna pa canie adnaho pachodu ŭ kramu.
Historyja ŭ pabudoŭ cikavaja. Jaŭchim Chraptovič — adzin z prahresiŭnych pamieščykaŭ svajho času. Jon jašče da admieny pryhonnaha prava vyzvaliŭ sialan, daŭ im adukacyju i navučyŭ vieści haspadarku. U siamiejstva była svaja siadziba ŭ ahraharadku Ščorsy, a ŭ kiłamietry ad jaje ŭ pačatku XIX stahodździa byŭ pabudavany haspadarčy dvor, jaki i atrymaŭ nazvu Muravanka. Tam vyrablali syr pa šviejcarskich technałohijach, pracavali masłabojnia i lesapilnia, razvodzili koniej.
Budynki zrobleny ŭ charakternym dla taho času «zamkavym» styli: viežy, cahlanyja fasady i masiŭnyja ścieny. U skład łota ŭvachodziać dva kapitalnyja zbudavańni: adno ź ich uklučaje ŭ siabie vietlačebnicu, cialatnik, karoŭnik, śviran z aharodžaj ahulnaj płoščaj 778,9 mietra, inšaje ŭjaŭlaje saboj cialatnik i śviran ahulnaj płoščaj 752,9 mietra. Ziamielny ŭčastak pamieram 6,3787 ha pieradajecca ŭ arendu na 50 hadoŭ.
Abjekt nie achoŭvajecca dziaržavaj, ale ŭčastak maje historyka-kulturnaje pryznačeńnie, tamu pakupniku treba budzie vykanać peŭnyja ŭmovy. Dziejnaść na abjekcie treba pačać nie paźniej čym praz 2 hady paśla kupli. Rekanstrukcyju varta pačać nie paźniej za 5 hadoŭ. Kali haspadar vyrašyć pieratvaryć ruiny ŭ žyllo, to zrabić heta jamu treba na praciahu 7 hadoŭ. Vykarystańnie ŭčastka pad žyłuju, administracyjnuju, handlovuju ci inšuju zabudovu dastupna pa ŭzhadnieńni ź Ministerstvam kultury Respubliki Biełaruś.
Pačatkovaja cana — usiaho 90 rubloŭ.
Nahadajem, što ŭ minułym hodzie abjekt sprabavali pradać ažno za 297 662 rubli. Takaja realnaja acenačny košt abjekta. Roźnica kałasalnaja. Tym nie mienš kali pakupnik nie vykanaje pradjaŭlenyja jamu ŭmovy, to roźnicu pamiž canoj kupli i acenačnym koštam pryjdziecca viarnuć u biudžet dziaržavy.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski33
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski3
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary