ZŠA prosiać Izrail spynić udary pa enierhietyčnaj infrastruktury Irana. Na heta jość try pryčyny
Administracyja prezidenta ZŠA Donalda Trampa paprasiła Izrail ustrymacca ad dalejšych udaraŭ pa enierhietyčnaj infrastruktury Irana, u tym liku pa naftavych abjektach. Pra heta paviedamlaje vydańnie Axios sa spasyłkaj na krynicy. Paviedamleńnie było pieradadziena izrailskamu kiraŭnictvu i načalniku štaba Armii abarony Izraila Ejalu Zamiru.
Pavodle infarmacyi krynic, Vašynhton nazvaŭ try asnoŭnyja pryčyny takoj prośby.
Pa-pieršaje, udary pa enierhietyčnych abjektach nanosiać škodu zvyčajnym žycharam Irana, mnohija ź jakich vystupajuć suprać dziejnaha režymu.
Pa-druhoje, Donald Tramp razhladaje mahčymaść supracoŭnictva ź iranskim naftavym siektaram paśla zakančeńnia vajny, padobna da palityki, jakuju jon raniej pravodziŭ u adnosinach da Vieniesueły.
Pa-treciaje, takija ataki mohuć spravakavać Iran na masavanyja ŭdary ŭ adkaz pa enierhietyčnaj infrastruktury krain Piersidskaha zaliva.
Žurnalisty adznačajuć, što raniej Tehieran užo sprabavaŭ atakavać enierhietyčnyja abjekty ŭ hetym rehijonie z dapamohaj bieśpiłotnikaŭ, adnak značnych paškodžańniaŭ tady nie było. U ZŠA aścierahajucca, što novyja ŭdary pa iranskaj nafcie mohuć źmianić situacyju i pryvieści da rostu suśvietnych cen nafty.
Pavodle krynic, Tramp razhladaje ataki na naftavuju i enierhietyčnuju infrastrukturu Irana jak krajni varyjant, jaki varta vykarystoŭvać tolki ŭ tym vypadku, kali Iran pieršym udaryć pa naftavych abjektach u krainach Piersidskaha zaliva. Jon taksama papiaredziŭ, što kali Iran naniasie škodu suśvietnym pastaŭkam nafty, adkaz ZŠA budzie «ŭ 20 razoŭ macniejšy».
Raniej paviedamlałasia, što 7 sakavika izrailskija vajskova-pavietranyja siły nanosili ŭdary pa naftavych abjektach u Tehieranie. Pavodle izrailskich ŚMI, heta moh być pieršy vypadak padčas ciapierašniaj vajny, kali Izrail atakavaŭ naftavuju infrastrukturu niepasredna na terytoryi Irana.
Na hetym fonie śpiecpradstaŭniki prezidenta ZŠA Styŭ Uitkaf i Džared Kušnier płanujuć naviedać Izrail dla pieramoŭ nakont dalejšych dziejańniaŭ.
Supolnaja vajskovaja apieracyja ZŠA i Izraila suprać Irana pačałasia 28 lutaha. U vyniku avijaŭdaraŭ byŭ likvidavany viarchoŭny lidar Irana ajatała Ali Chamieniei. U adkaz Iran vypuściŭ balistyčnyja rakiety pa Izraili i šerahu krain Blizkaha Uschodu, a taksama paviedamlaŭ pra ataki na amierykanskija vajskovyja bazy.
«Samy intensiŭny dzień udaraŭ». Pientahon anansavaŭ maštabnuju ataku pa abjektach u Iranie
Padčas bambardzirovak Irana amierykancy nie kranajuć maleńki vostraŭ — hałoŭnuju naftavuju arteryju. Čamu?
Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana
Amierykanskaja raźviedka daviedałasia pra pačatak minavańnia Armuzskaha praliva
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu8
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary