«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Infarmacyja pra zvalnieńnie hienieralnaha dyrektara «Minsktransa» Aleha Dziubienki vyklikała burlivaje abmierkavańnie ŭ sacyjalnych sietkach. Nasupierak čakańniam, navina nie vyklikała złaradnaści: na dumku bolšaści kamientataraŭ, jon byŭ kampietentnym kiraŭnikom z najlepšymi čałaviečymi jakaściami, jakoha prosta zrabili vinavatym u ahulnych prablemach. Praŭda, ludzi ŭzhadvali i toje, što mienavita Dziubienka jak kiraŭnik «Minsktransa» patrabavaŭ u sudach sotni tysiač rubloŭ ad mirnych demanstrantaŭ 2020 hoda.
Aleh Dziubienka — čałaviek u sistemie «Minsktransa» nie novy. Svaju karjeru jon pačaŭ z pasady majstra tralejbusnaha depo. Paśla pracavaŭ inžynieram, daros da pasady hałoŭnaha inžyniera, a paśla ŭznačaliŭ pradpryjemstva ŭ jakaści hienieralnaha dyrektara.
U čym kankretnaja pryčyna zvalnieńnia, aficyjna nie paviedamlajecca. Adnak siarod viersij nazyvajuć adkaznaść za maštabnyja zboi ŭ pracy hramadskaha transpartu stalicy hetaj zimoju. U tyktoku hetaja navina šyroka abmiarkoŭvajecca, i karystalniki sumniavajucca ŭ spraviadlivaści takoha rašeńnia.
«Dyk a jakim jon bokam da abledzianieńnia pravadoŭ i niečyščanych daroh?» — zadaje pytańnie adzin z karystalnikaŭ.
Bolšaść ludziej schilajecca da dumki, što z kiraŭnikom abyšlisia niespraviadliva, zrabiŭšy jaho adkaznym za sistemnyja prablemy, vyklikanyja ekanamičnaj madellu, vybranaj Łukašenkam. Karystalniki adznačajuć jak prafiesijanalizm Dziubienki, tak i jaho stanoŭčyja čałaviečyja jakaści:
«Liču, što nie razabralisia, a prosta znajšli krajniaha».
«Zvolnili ni za što, prosta znajšli krajniaha, dobry čałaviek, va ŭsich adnosinach, viedaju jaho asabista, hadoŭ 40, vielmi škada, vielmi».
«Znajšli krajniaha, jak zaŭsiody».
Hetaje mierkavańnie padtrymlivajuć i mnohija inšyja, asabliva tyja, chto niepasredna pracavaŭ pad jaho kiraŭnictvam:
«Dobry kiraŭnik. Ja ŭ jaho pracavała ŭ 1‑m tralejbusnym».
«Vielmi škada, što zrabili krajnim sapraŭdnaha transpartnika, jaki viedaje ŭvieś pasažyrski transpart znutry. Viedaju jaho jak vydatnaha i pryncypovaha kiraŭnika z 2002 hoda!»
«Viedaju i jaho asabista. Dobry kiraŭnik».
«Dobry kiraŭnik! Vielmi škada».
«Vielmi škada! Vydatny kiraŭnik i čałaviek!»
«Škada, dobry mužyk, tamu i prybrali… Pastaviać sałdafona jakoha-niebudź».
Adnak jość i tyja, chto nie pahadžajecca z ahulnym spačuvańniem. Niekatoryja kamientatary źviartajuć uvahu na ŭnutranyja prablemy pradpryjemstva i nizkija zarobki:
«Ja b chacieła pabačyć tut mierkavańnie kiroŭcaŭ, u nas zvyčajna nie pytajucca, nu da čaho davioŭ Dziubienka: pavalnaje zvalnieńnie, nievynosnyja ŭmovy, zarobak śmiechatvorny!»
Na takija pretenzii znachodziacca kontrarhumienty. Ludzi paraŭnoŭvajuć situacyju z papiarednim kiraŭnictvam i stanoviacca na abaronu eks-dyrektara:
«A pry Papienku zarobak byŭ lepšy?! Nie hrašycie! Ź Dziubienkam stała našmat lepš, jon staviŭsia da ludziej pa-čałaviečy, a nie jak da bydła. Chočaš zarobak 4500 — pracuj biez vychadnych! A svaje 3000 — pracuj u hrafiku. Pry Papienku ad siły zarpłata była ad 1000 da 2300».
Inšaja hrupa niezadavolenych — heta pasažyry, jakija aceńvajuć pracu dyrektara pa faktyčnym stanie transpartu. Jany ličać, što asabistyja jakaści nie pavinny apraŭdvać prafiesijnyja pravały:
«Dobry čałaviek — nie prafiesija, transpart (tralejbusy T7, T9, T36, jakimi ja karystajusia) chodzić ahidna, pastajanna, h.zn. časta na tabło ZT [zatrymka transpartu], intervały vialikija».
«Moža, jak čałaviek jon i dobry, ale z pracaj nie spraviŭsia. Transpart chodzić žudasna. Ni na pracu, ni z pracy nie dabracca».
Da krytyki dałučajucca i sami rabotniki parkaŭ, jakija apisvajuć žałasny techničny stan pradpryjemstva:
«Sam pracuju ŭ aŭtobusnym parku. Hetuju zimu «Minsktrans» pravaliŭ całkam i poŭnaściu. Parki ŭsie na kaleniach, mašyny da zimy nie rychtavali, zapčastak nie nabrali patrebnych na zimu, ramzona pracuje ahidna. Tak što vynik zakanamierny».
U adkaz na krytyku abaroncy tłumačać, što korań prablem lažyć nie ŭ kiravańni, a ŭ adsutnaści narmalnaha finansavańnia i znošanaści infrastruktury:
«Usim, kamu drenna chodzić transpart, prychodźcie da nas u «Minsktrans». (…) Pasprabujcie našaha chleba. Tralejbusnuju liniju daŭno treba mianiać, tramvajnyja rejki pryjšli ŭ nieprydatnaść, a hrošy dzie ŭziać? Škada Anatoljeviča».
«Darohu maładym, chapaje ŭ nas kadraŭ», —
upeŭniena zajaŭlaje adzin z karystalnikaŭ.
Kamientary
Ci to minhaz, ci to biełpalivahaz zakupiŭ pracoŭnyja busiki Falksvahieny, i ciapieraka ich dručać, što nie pravasłaŭnyja hazieli.
Nikto nie raźbirajetsia v situacii!
S diubienkami-papienkami u Minsktransa niet buduŝieho. Plus korrupcija v parkach....