U Rasii pačali źbirać asablivyja BMW X6. Dylery admaŭlajucca brać hety kanstruktar
«Nie majuć ničoha ahulnaha z paŭnavartasnymi BMW».
Na kalininhradskim zavodzie «Aŭtator» pačali vypusk krasovieraŭ BMW X6 40d. U padobnaj viersii aŭtamabili rasijskaj zborki nie pradavalisia navat da 2022 hoda, kali BMW aficyjna mieła vytvorčaść u Kalininhradzie. Ale dylery nie chočuć ich brać, piša Autonews.
U Rasii źbirajuć usiu liniejku bujnych krasovieraŭ BMW — X5, X6 i X7. Asablivaściu novych BMW X6 stali viersii 40d ź sistemaj ačystki vychłapu AdBlue. Ale heta ŭsio jašče staryja kuzavy i nie kitajskija viersii.
Dylery hetyja mašyny brać nie chočuć.
U dylerskim centry «AvtoAvanhard» kažuć, što takich aŭtamabilaŭ u ich niama. Pavodle słoŭ pradstaŭnika kampanii, havorka moža iści pra kuzavy i mašynakamplekty, jakija zastavalisia na pradpryjemstvie z 2021—2022 hadoŭ i paśla byli daŭkamplektavanyja.
Jon taksama adznačyŭ, što padobnyja aŭtamabili vyklikajuć pytańni z punktu hledžańnia identyfikacyi i dalejšaha absłuhoŭvańnia. Na jaho dumku, hetyja krasoviery nie buduć raspaznavacca firmiennymi servisami BMW.
«Pa VIN-numary niemahčyma atrymać infarmacyju pra kamplektacyju i historyju aŭtamabila. Nie zusim zrazumieła, jakija mienavita vuzły i ahrehaty tam ustalavanyja», — dadaŭ pradstaŭnik kampanii.
U dylerskim centry «Aŭtaport» skazali, što
«navat sabranyja z zastałych mašynakamplektaŭ aŭtamabili nie majuć ničoha ahulnaha z paŭnavartasnymi BMW, a sama marka nie maje dačynieńnia da ich vytvorčaści».
«Pradstaŭnictva BMW nie pryznaje takija aŭtamabili. Pa sutnaści, heta kanstruktar, sabrany z reštkaŭ kamplektaŭ», — zajaviŭ supracoŭnik firmy.
Jon taksama papiaredziŭ, što ŭładalniki takich mašyn ryzykujuć sutyknucca ź ciažkaściami pry techničnym absłuhoŭvańni.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary
Tam vsia kraina falšyúka, stvoranaja Karamzinym (tatarynam) pa zakazie ampiratara Aleksandra 1.
Cytata: "Impierator Aleksandr I po proischoždieniju prinadležał k dinastii Romanovych (vietv́ Holštiejn-Hottorp-Romanovy). V jeho žiłach počti nie ostałoś russkoj krovi iz-za obilija niemieckich priedkov (on był synom Pavła I i Marii Fiedorovny), odnako po svojej hosudarstviennoj, kulturnoj i nacionalnoj idientičnosti on był Srusskim Scariem.
Vikipiedija