Vadzim Maroz zaklučyŭ kantrakt z «Jutaj».
Ahient Den Milštejn paviedamiŭ, što biełaruski forvard Vadzim Maroz uzhadniŭ umovy dvuchhadovaha kantraktu z kamandaj «Juta Mamant» Nacyjanalnaj chakiejnaj lihi. Jaho kantrakt budzie dziejničać da siezona 2027/28, piša «Biełaruski chakiej».
Vadzim hulaŭ za minskaje «Dynama» ź leta 2022 hoda. U minułym rehularnym čempijanacie KCHŁ 22‑hadovy chakieist pravioŭ 54 matčy i nabraŭ 29 (14+15) bałaŭ pry pakazčyku karysnaści +4. U płej-of na jaho rachunku 8 hulniaŭ i 2 (1+1) bały pry karysnaści +1.
Na drafcie NCHŁ 2023 hoda Maroz byŭ abrany kłubam «Aryzona Kajots» (zaraz — «Juta») pad ahulnym 88‑m numaram.
Kali Vadzim zahulaje za «Jutu», a nie budzie adpraŭleny ŭ farm-kłub, to moža stać 22‑m biełarusam u najmacniejšaj chakiejnaj lizie śvietu z 1992 hoda.
Jaho zarobak u NCHŁ składzie adzin miljon dalaraŭ u hod.
U krasaviku kantrakt z «Nešviłam Predatarz» zaklučyŭ Vital Pinčuk, ale nie debiutavaŭ — siezon u NCHŁ pačynajecca ŭ kastryčniku. U mai hetaha hoda kantrakt z «Jutaj» zaklučyŭ Jahor Borykaŭ, ale, naturalna, taksama pakul nie debiutavaŭ.
U siezonie 2025‑2026 u NCHŁ zhulali vaśmiora biełarusaŭ:
Alaksiej i Illa Protasy («Vašynhton»), Jahor Šaranhovič («Kałhary»), Mikita Tałapiła («Vankuvier»), Alaksiej Kołasaŭ («Fiładelfija»), Uładzisłaŭ Kalačonak («Dałas»), Arciom Leŭšunoŭ («Čykaha»), Illa Sałaŭjoŭ («Pitsburh»).
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami11
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary