«Ź pieršaj zarpłaty ŭ NCHŁ, mahčyma, kuplu mašynu». Intervju z samym pierśpiektyŭnym chakieistam Biełarusi Vitalem Pinčukom
«Vyvieści Biełaruś na Alimpijskija hulni i zhulać tam — heta maja mara i vielizarnaja matyvacyja. Sprob zastałosia dźvie-try».
24‑hadovy napadnik minskaha «Dynama» Vital Pinčuk padpisaŭ hadavy kantrakt z «Nešviłam» i ŭletku pakidaje Biełaruś. Onliner sustreŭsia z chakieistam u Minsku i parazmaŭlaŭ pra ŭsio: ad vybaru kłuba da dziaŭčat i mar ab Alimpijadzie.
Čamu «Nešvił»
Ahient Pinčuka ŭvieś siezon vioŭ pieramovy, pakul sam chakieist byŭ całkam zasiarodžany na chakiei. Paśla vyletu ad «Ak Barsa» pačalisia videazvanki z pradstaŭnikami 15—16 kamand NCHŁ. Pavodle słoŭ Pinčuka, cikaŭnaść vykazvali 29 z 32 kłubaŭ lihi. U finalnaj piaciorcy apynulisia «Taronta», «Dałas», «Karalina», «Łos-Andžełas» i «Nešvił». Vybirać pryjšłosia pamiž dvuma apošnimi.
Vyrašalnaj stała razmova z hienieralnym mieniedžaram «Nešviła» Bary Trotcam — tym samym, ź jakim «Vašynhton» braŭ Kubak Stenli ŭ 2018-m. «Naš kłub — najlepšaja dla ciabie mahčymaść trapić u NCHŁ», — skazaŭ jon. Pinčuk pavieryŭ.
Važnuju rolu adyhrała i kankurencyja: u «Nešvile» siarod centralnych napadnikaŭ z vopytnych — tolki Rajan O'Rajli, astatnija maładyja. Realny šans pabicca za miesca ŭ składzie.
Pra hrošy i pieršy zarobak
Pavodle apublikavanaj infarmacyi, Pinčuk budzie zarablać kala miljona dalaraŭ za siezon plus padpisny bonus kala $100 tysiač. Sam chakieist ličby nie abviarhaje, ale papiaredžvaje: «Pałova sydzie na padatki, kali nie bolš. Tamu ŭsio nie tak pryhoža, jak vyhladaje». Na pieršuju zarpłatu, kaža, mahčyma, voźmie mašynu — kab potym pryvieźci ŭ Biełaruś.
Pra NCHŁ, anhlijskuju i siamju
Nakont movy Pinčuk nie chvalujecca: hod u Kanadzie, lehijaniery ŭ «Dynamie» i vaśmiorka pa anhlijskaj movie ŭ škole zrabili svaju spravu. «Hramatyka kulhaje, ale havaru ŭpeŭniena», — cytuje jon svajho nastaŭnika.
U «Nešvile» ŭžo jość znajomy — rasijanin Fiodar Śviačkoŭ, jaki abiacaŭ dapamahčy z adaptacyjaj. «Z kim jašče tam pa-rusku razmaŭlać?» — žartuje Pinčuk.
Siamja pakul nie ŭ płanach. «Spačatku treba zamacavacca ŭ NCHŁ. A dziaŭčynu chaču ruskamoŭnuju — biez žartaŭ i sarkazmu nie mahu».
Mara — Alimpijada
Hałoŭnaja meta na budučyniu — nie Kubak Stenli, a Alimpijada ź biełaruskaj zbornaj. «Vyvieści Biełaruś na Alimpijskija hulni i zhulać tam — heta maja mara i vielizarnaja matyvacyja. Sprob zastałosia dźvie-try».
Ciapier čytajuć
Stała viadoma pra śmierć doŭhažycharki Maryi Kananovič z Vałožynščyny, jakoj pa pašparcie byŭ 121 hod4
Kamientary