Statkievič — biełarusam: Vaša ciepłynia achutvała mianie. I ja adčuvaŭ jaje amal fizična
Mikałaj Statkievič źviarnuŭsia da biełarusaŭ sa słovami hłybokaj udziačnaści za salidarnaść. Jon kaža, što supracoŭniki turmaŭ pierakonvali jaho, što na voli pra jaho ŭsie zabylisia, ale sam jon «amal fizična» adčuvaŭ ciepłyniu i padtrymku ludziej.
Darahija siabry!
My z Marynaj ščyra dziakujem usim, chto vinšavaŭ nas z maim vyzvaleńniem, chto prapanavaŭ padtrymku, chto ŭsie hetyja hady padtrymlivaŭ nas.
Dla nas heta tym bolej važna, bo my viedajem, kolki namahańniaŭ rabiŭ i robić praviačy režym dla razbureńnia čałaviečaj salidarnaści.
U źniavoleńni admysłova navučanyja supracoŭniki pieryjadyčna kazali mnie, što «na voli pra mianie ŭžo ŭsie zabylisia, što ja nikomu tam nie patrebny». Ja adkazvaŭ, što, kali navat heta i tak, to što heta mianiaje ŭ majoj pazicyi?
Ale, nasamreč, nikoli nie vieryŭ u svaju «niepatrebnaść», bo adčuvaŭ vašuju padtrymku i kali listy da mianie jašče dachodzili (viedaju, što mnohija ludzi zapłacili za salidarnaść svajoj ułasnaj svabodaj), i tady, kali apynuŭsia na 3 hady ŭ poŭnaj infarmacyjnaj izalacyi. Bo vaša ciepłynia achutvała mianie. I ja adčuvaŭ jaje amal fizična.
Čym bolej ułada baicca «svajho» naroda, tym bolej jana sił i srodkaŭ skiroŭvaje na toje, kab źniščyć salidarnaść pamiž ludźmi, pieratvaryć ich u statak zapałochanych adzinočak. Ale, jak my pierakonvajemsia zaraz, hetyja namahańni apynulisia biespaśpiachovymi. Bo salidarnaść była zakładziena ŭ nas na ŭzroŭni instynktaŭ miljony hadoŭ tamu, kali našy prodki jašče nie byli navat praludźmi. Hetak ža, jak kłopat pra dziaciej, naprykład. I nichto nie ŭ stanie heta razburyć. Inakš by my prosta pierastali być ludźmi. Sapraŭdnymi ludźmi…
I kožny raz tak kranalna, tak ščymliva ŭ sercy, kali nieznajomyja ludzi (i heta ŭ našaj uščent «začyščanaj» krainie!) vinšujuć, navat płačuć, ubačyŭšy nas razam. Až da śloz na našych vačach.
Dziakuj vam, Ludzi!
Ale vielmi baluča chvaluje jak šmat ludziej jašče zastajucca ŭ źniavoleńni. Pamiatajem pra ich, padtrymlivajem ich rodnych, robim usio dziela ich vyzvaleńnia!
Svabodu ŭsim palitviaźniam!
Mikałaj Statkievič
-
Asudžanuju na dzieviać z pałovaj hadoŭ Alenu Łazarčyk nakiravali ŭ PKT na šeść miesiacaŭ
-
Kiraŭnik MZS Litvy: Pakul Biełaruś dapamahaje Rasii, padstavaŭ dla skasavańnia sankcyjaŭ niama
-
Nazyvali «pietušarami», źbili nahami ŭ prybiralni. Udzielnik razahnanaha fiestyvalu pad Rasonami raskazaŭ, jak heta było
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ3
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna99
Kamientary