Pasažyry rehistravalisia na rejs u Izrail pad miełodyi viadomych jaŭrejskich piesień.
«Biełavija» adnaviła palotnuju prahramu ŭ Izrail, paviedamili BiełTA ŭ pres-słužbie avijakampanii.
«Tel-Aviŭ — adzin ź pieršych napramkaŭ maršrutnaj sietki «Biełavii». Avijakampanija pačała lotać u Izrail u 1995 hodzie. Siońnia rejsy byli adnoŭleny paśla praciahłaha prypynieńnia prahramy ŭ lutym 2022 hoda pa pryčynach, jakija nie zaležali ad avijakampanii, — raskazali ŭ pres-słužbie. — Adnaŭleńnie rejsaŭ prajšło sapraŭdy jarka. Pasažyry rehistravalisia na rejs u Izrail pad miełodyi viadomych jaŭrejskich piesień u vykanańni muzyčnaha kvarteta. Akramia taho, usie turysty atrymali pamiatnyja suvieniry ad avijakampanii, a pieršamu zarehistravanamu pasažyru dastaŭsia asablivy padarunak».
Zahruzka pieršaha rejsa skłała bolš za 87 % (pavodle danych na 6 studzienia), što ŭžo ciapier śviedčyć pra papularnaść maršrutu.
Rejsy buduć vykonvacca dva razy na tydzień — u čaćvier i niadzielu. Vylet ź Minska — u 7.10, prybyćcio ŭ Tel-Aviŭ — u 12.20. Zvarotny rejs z Tel-Aviva zapłanavany na 13.15, prybyćcio ŭ Minsk — u 20.40. Praciahłaść palotu Minsk — Tel-Aviŭ składzie 6 hadzin 10 chvilin u adzin bok i 6 hadzin 25 chvilin u zvarotnym napramku.
Rejsy buduć vykonvacca na Boeing 737‑8 z sałonam biznes-kłasa. Dla pasažyraŭ praduhledžana haračaje charčavańnie. Košt biletaŭ — ad 671 rubla ŭ adzin bok i ad 1327 rubloŭ tudy-nazad (taryf «Łajt»).
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary71
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2929
Kamientary