Miesca pamierłaha sienatara Lindsi Hrema ŭ Sienacie ZŠA zojmie jaho siastra
Darlin Hrem Nordan, małodšaja siastra ŭpłyvovaha sienatara-respublikanca ad Paŭdniovaj Karaliny Lindsi Hrema, jaki raptoŭna pamior u minułyja vychadnyja, časova zojmie jaho miesca ŭ Kanhresie ZŠA. Ab jaje pryznačeńni 13 lipienia abviaściŭ hubiernatar Paŭdniovaj Karaliny Hienry Makmastar.
«Dla mianie vialiki honar paprasić jaho małodšuju siastru Darlin Hrem zaviaršyć jaho spravu», — zajaviŭ hubiernatar.
Pryniać takoje rašeńnie rekamiendavaŭ asabista prezident ZŠA Donald Tramp, jaki nazvaŭ heta vydatnym žestam pavahi da pamiaci pamierłaha palityka.
Darlin Hrem Nordan budzie vykonvać abaviazki sienatara da zakančeńnia biahučaha terminu jaje brata — da studzienia 2027 hoda. Paśla pryniaćcia prysiahi jana ŭvojdzie ŭ historyju jak pieršaja žančyna, jakaja pradstavić Paŭdniovuju Karalinu ŭ Sienacie ZŠA.
Raptoŭnaja śmierć palityka całkam źmianiła płany na listapadaŭskija vybary, dzie Hrem bałatavaŭsia na piaty termin i ličyŭsia biassprečnym favarytam. Ciapier u štacie pryznačany ekstrannyja prajmieryz na 11 žniŭnia, padčas jakich respublikancy vyznačać novaha kandydata na pasadu sienatara.
Lindsi Hrem raptoŭna pamior uviečary 11 lipienia va ŭzroście 71 hoda. Pavodle papiarednich vysnoŭ sudmiedekśpiertaŭ, pryčynaj stała rassłajeńnie aorty na fonie aterasklerozu.
Jašče za dzień da trahiedyi, 10 lipienia, amierykanski palityk znachodziŭsia ź vizitam u Kijevie, dzie sustrakaŭsia z prezidentam Ukrainy Uładzimiram Zialenskim i naviedvaŭ pradpryjemstva pa vytvorčaści vajskovych bieśpiłotnikaŭ.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary