Biełarusa žorstka pakarali za toje, što chadziŭ pa rasijskaj turmie z tatuiroŭkami sa svastykaj i z partretam Hitlera
Jašče paŭtara hoda źniavoleńnia za nacysckuju atrybutyku ŭ dadatak da raniejšych 11,5 hoda.
U Ivanaŭskaj vobłaści Rasii dadatkova asudzili hramadzianina Biełarusi, jaki i tak adbyvaŭ pakarańnie ŭ miascovaj kałonii.
Spačatku jamu dali 11,5 hoda źniavoleńnia za naŭmysnaje ciažkaje paškodžańnie zdaroŭja, jakoje paciahnuła śmierć pa nieaściarožnaści, za razboj, a taksama za niezakonny abarot narkotykaŭ.
Ale ŭ kałonii da jaho ŭźnikli dadatkovyja pytańni. Na ciele biełarusa ceły nabor nacysckich tatu — u vyhladzie nacysckaj svastyki, partyjnaha arła Treciaha rejcha ź viankom i svastykaj, vyjavy, jakaja nahadvaje Hitlera ŭ vajskovaj formie, a taksama nadpisy na niamieckaj movie «Wehrmacht» i «Ahnenerbe Deutsches».
Spačatku mužčynu minimalna pakarali za demanstracyju nacysckich simvałaŭ — administratyŭkaj sa štrafam kala $10. Adnak, pavodle materyjałaŭ spravy, biełarus i paśla hetaha nie rabiŭ nijakich zachadaŭ, kab schavać vyjavy — nie zvodziŭ ich, nie zaklejvaŭ płastyram, nie karystaŭsia adzieńniem z doŭhim rukavom — i praciahvaŭ chadzić z aholenym torsam pierad inšymi asudžanymi i supracoŭnikami kałonii.
Sam abvinavačany vinu nie pryznaŭ, zajaviŭšy ŭ sudzie, što tatu zroblenyja jašče ŭ Biełarusi kala 20 hadoŭ tamu i simvalizujuć «niepadparadkavańnie administracyi», a nie nacysckuju prapahandu. I što demanstravaŭ ich nie naŭmysna, a z bytavoj nieabchodnaści.
U vyniku jamu pryznačyli dadatkovyja paŭtara hoda kałonii. Ahułam biełarusu na toj momant zastavałasia pravieści za kratami 5 hadoŭ.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci43
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Nieadukavany, schilny da prymusovaha hvałtu, mocnaha panavańnia nad saboj, pačytaŭ "Majn kampf" (frahmientarna), pahladzieŭ paru videa z "Lejbštandartam" (nu pryhoža ž!) - i voś: hvałt, rabavańnie, termin u turmie. Ale s...kun: bo pa-pieršaje nie pajšoŭ na vajnu, pa-druhoje, źliŭsia.
Fašyzm i jaho padvid nacyzm - heta ideałohija. Pačvarnaja, ahidnaja i antyhumannaja, tak, ale ideałohija. Toje, u va što vierać.
A voś hetaje...