U Bierlinie 68‑hadovaha elektryka abvinavacili ŭ dziasiatkach zhvałtavańniaŭ. Achviary navat nie viedali, što ź imi adbyłosia
Prakuratura Bierlina vystaviła aficyjnyja abvinavačańni 68‑hadovamu miascovamu elektryku. Na hety momant zaviedziena ŭžo 22 kryminalnyja spravy, dzie fihurujuć 14 žančyn, adnak śledstva miarkuje, što ahulnaja kolkaść achviar składaje prynamsi 58 čałaviek. Sami paciarpiełyja navat nie padazravali, što ź imi adbyłosia, piša BILD.
Zhodna z abvinavaŭčym zaklučeńniem, mužčyna znajomiŭsia sa svaimi achviarami praz anłajn-płatformy. Padčas sustreč jon napampoŭvaŭ žančyn sumieśsiu zaspakajalnaha i ałkaholu i hvałtavaŭ ich, a taksama zapisvaŭ toje, što adbyvajecca, na videakamieru.
Achviary navat nie viedali pra złačynstvy — im paviedamili pra ździejśnieny hvałt tolki padčas rasśledavańnia. Heta nahadvaje vypadak 73‑hadovaj francužanki Žyzel Pieliko, jakuju muž hadami napampoŭvaŭ narkotykami i dazvalaŭ dziasiatkam nieznajomcaŭ hvałtavać jaje ŭva śnie.
Śled ź Nižniaj Saksonii
Na śled bierlinskaha złačyncy ŭdałosia vyjści dziakujučy dapamozie palicyi ź Nižniaj Saksonii. Na pačatku minułaha hoda supracoŭniki rasśledavali anałahičnyja abvinavačańni ŭ dačynieńni da inšaha, užo pamierłaha, mužčyny, jaki padtrymlivaŭ suviaź z hvałtaŭnikom ź Bierlina.
Paśla atrymańnia infarmacyi palicyja pieratresła kvateru elektryka ŭ bierlinskim rajonie Frydrychśfielde i vyjaviła roznyja pryłady zachoŭvańnia danych.
Analiz hetych pryład akazaŭsia składanym pracesam. Tolki prykładna praz hod ekśpierty pa ličbavaj kryminalistycy vyjavili žudasnyja videazapisy.
Paśla hetaha, 3 sakavika 2026 hoda, u kvatery mužčyny praviali paŭtorny pieratrus, i jon byŭ uziaty pad vartu.
Dziasiatki złačynstvaŭ
Akramia 14 achviar, paznačanych u abvinavaŭčym zaklučeńni, uładam viadomyja imiony jašče 30 žančyn, ale rasśledavańni pa ich spravach usio jašče praciahvajucca.
Dziesiać mierkavanych achviar pakul nie identyfikavanyja. I 36 złačynstvaŭ, vierahodna, nikoli nie buduć pakaranyja: abvinavačany, jak śćviardžajecca, ździejśniŭ ich u dačynieńni da žančyny ŭ pieryjad z 2010 pa 2014 hod. Pakolki ŭ jaje vypadku nie ŭdałosia adnaznačna dakazać fakt hvałtu, hetyja złačynstvy padpadali pad piacihadovy termin daŭnaści zamiest zvyčajnych 20 hadoŭ.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary
A im točno priam nieobchodimo było eto uznavať?