Šeść čałaviek zarabili vielizarnyja hrošy na staŭkach na amierykanskuju ataku pa Iranie. Padazrajuć, što jany viedali pra jaje
Hrupa z šaści čałaviek zmahła zarabić kala 1,2 miljona dołaraŭ na śpiecyjalnaj internet-płatformie Polymarket, dzie ludzi robiać staŭki na roznyja padziei. Hetyja karystalniki pastavili hrošy na toje, što ZŠA napadzie na Iran mienavita 28 lutaha.
Samaje padazronaje ŭ hetaj historyi toje, što hetyja ludzi adkryli svaje elektronnyja kašalki i pakłali tudy hrošy litaralna za sutki da vybuchaŭ, a staŭki zrabili ŭsiaho za paru hadzin da pačatku apieracyi.
Adzin z udačlivych hulcoŭ pad imiem Magamyman zarabiŭ bolš za 500 tysiač dołaraŭ usiaho za adzin dzień. Svaju pieršuju staŭku jon zrabiŭ za 71 chvilinu da taho, jak pra ataku napisali ŭsie suśvietnyja ŚMI.
Inšy karystalnik ryzyknuŭ sumaj u 60 tysiač dołaraŭ, kupiŭšy vielmi tanna varyjanty adkazu «Tak», i paśla paćviardžeńnia ŭdaraŭ jaho kapitał vyras amal u dziesiać razoŭ — da 560 tysiač dołaraŭ.
Admysłoŭcy ŭpeŭnienyja, što heta nie vypadkovaść, a vykarystańnie insajdarskaj infarmacyi — heta značyć sakretnych źviestak, dastupnych tolki vuzkamu kołu asob.
Ekśpierty zaŭvažyli, što ŭsie hetyja akaŭnty raniej nikoli nie ŭdzielničali ŭ tarhach i źjavilisia tolki ŭ lutym.
Ahułam ludzi pa ŭsim śviecie pastavili na hetuju vajennuju padzieju vielizarnyja hrošy — kala 90 miljonaŭ dołaraŭ. Adnak mienavita hetaja šaściorka hulcoŭ dziejničała nastolki dakładna i svoječasova.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary