Pucin addaŭ Vienhryi dvuch ukrainskich pałonnych ź vienhierskim hramadzianstvam. MZS Ukrainy: Heta cyničny pijar
Prezident Rasii Uładzimir Pucin paabiacaŭ pieradać ministru zamiežnych spraŭ Vienhryi Pieteru Sijarta dvuch vajennapałonnych ukrainskich vajskoŭcaŭ, jakija majuć vienhierskaje hramadzianstva. Heta adbyłosia padčas sustrečy Sijarta z Pucinym u Maskvie, piša «Ukrainskaja praŭda».
Jak paviedamlajecca, padčas sustrečy Pucin adznačyŭ, što pytańnie pra hetych pałonnych ź im raniej abmiarkoŭvaŭ u telefonnaj razmovie premjer-ministr Vienhryi Viktar Orban. Paśla hetaha jon nibyta i pryniaŭ rašeńnie vyzvalić hetych dvuch čałaviek i dazvolić Sijarta zabrać ich z saboj u Vienhryju tym ža samalotam, jakim toj prylacieŭ u Maskvu.
Raniej Sijarta zajaŭlaŭ pra vyklik ukrainskaha pasła ŭ suviazi z abvinavačańniami ŭ nibyta prymusovaj mabilizacyi va Ukrainie vienhraŭ. Akramia taho, jon vykazvaŭsia ŭ padtrymku nielehalnaj pierapraŭki ŭkrainskich mužčyn praź miažu, śćviardžajučy, što mabilizacyja va Ukrainie ŭskładniaje zakančeńnie vajny, raspačataj Rasijaj.
U Ministerstvie zamiežnych spraŭ Ukrainy nieadkładna adreahavali na zajavu pra pucinskuju pastanovu.
U viedamstvie paviedamili, što ŭkrainski bok nie atrymaŭ aficyjnaj infarmacyi pra toje, kaho mienavita vyzvalili z rasijskaha pałonu. U suviazi z hetym u MZS płanujuć zaprasić časovaha pavieranaha ŭ spravach Vienhryi, kab atrymać paćvierdžanyja źviestki. Taksama Ukraina nakiruje zapyt ab dostupie da hetych asob.
Taksama ŭ MZS Ukrainy padkreślili, što viartańnie ludziej z pałonu źjaŭlajecca dla krainy pryjarytetam. U toj ža čas tam adznačyli, što Maskva i Budapiešt užo nie ŭpieršyniu vykarystoŭvajuć adčuvalnaje pytańnie vajennapałonnych u palityčnych metach. Va ŭkrainskim MZS nazvali nieprymalnym, što vyzvaleńnie ludziej stanovicca častkaj pieradvybarčaj kampanii Viktara Orbana abo elemientam palityčnych adnosin z Kramlom.
Ukraina taksama asudziła sproby vykarystoŭvać temu etničnaj prynaležnaści ŭkrainskich vajskoŭcaŭ u palityčnych zajavach ź vienhierskaha boku.
U MZS Ukrainy padkreślili:
«Sapraŭdnyja humanitarnyja namahańni, jakija prykładajuć tyja dziaržavy śvietu, što ščyra dapamahajuć Ukrainie vyzvalać ludziej z pałonu i abaraniać žyćcio, nikoli nie supravadžajucca takim cyničnym pijaram i palityzacyjaj. Važna, kab žyćcio mieła najvyšejšuju kaštoŭnaść».
Orban napisaŭ Zialenskamu adkryty list
U Vienhryi apazicyjnaja Orbanu partyja rekordna pavialičyła adryŭ pierad vybarami
Vienhryja nie razbłakuje pryniaćcie 20‑ha pakieta sankcyj da adnaŭleńnia pracy trubapravoda «Družba»
Ministr zamiežnych spraŭ Vienhryi nazvaŭ umovu, pry jakoj kraina padtrymaje vydaču Ukrainie 90 młrd jeŭra
Kamientary