U Vienhryi apazicyjnaja Orbanu partyja rekordna pavialičyła adryŭ pierad vybarami
Centrysckaja apazicyjnaja partyja «Cisa» ŭ Vienhryi pavialičyła adryŭ ad kiroŭnaj partyi «Fides» napiaredadni parłamienckich vybaraŭ, pryznačanych na 12 krasavika, piša Reuters.
Pavodle apytańnia aŭtarytetnaha instytuta Median, apublikavanaha 25 lutaha, «Cisa» maje 55% padtrymki siarod vybarcaŭ, jakija vyznačylisia z vybaram. Heta na čatyry pracentnyja punkty bolš, čym u studzieni. Padtrymka «Fides» źniziłasia z 39% da 35%.
Takim čynam, razryŭ pamiž partyjami vyras da 20 pracentnych punktaŭ suprać 12 u papiarednim miesiacy.
Kali ŭličvać usio nasielnictva, «Cisa» padtrymlivajuć 42% apytanych, a «Fides» — 31%.
Partyju «Cisa», zasnavanuju ŭ 2024 hodzie, uznačalvaje były pradstaŭnik ułady Pieter Madźjar. Dla premjer-ministra Viktara Orbana, jaki znachodzicca va ŭładzie ŭžo 16 hadoŭ, heta pieršy nastolki surjozny vyklik na parłamienckich vybarach za doŭhi čas.
Akramia dźviuch hałoŭnych sił, šaniec trapić u parłamient maje tolki ultrapravaja partyja «Naša Radzima», jakuju padtrymlivajuć 6% vybarcaŭ, što vyznačylisia. Dla atrymańnia miescaŭ u parłamiencie nieabchodna pieraadoleć piacipracentny barjer.
Apytańnie pravodziłasia z 18 pa 23 lutaha. Daśledčyki adznačajuć, što «Cisa» adnaviła stračanuju vosieńniu dynamiku i znoŭ upeŭniena apiaredžvaje «Fides».
Niahledziačy na heta, u samoj kiroŭnaj partyi zajaŭlajuć pra šancy na pieramohu. Orban niadaŭna adznačyŭ, što pavodle niekatorych acenak «Fides» moža pieramahčy ŭ 65—70 sa 106 adnamandatnych akruh, što dazvoliła b zachavać uładu.
Parłamient Vienhryi naličvaje 199 deputataŭ: 93 abirajucca pa partyjnych śpisach, 106 — u adnamandatnych akruhach.
Hałoŭny apanient Orbana pryznaŭsia, što ŭlapaŭsia ŭ seks-skandał. «Kłasičny kampramat rasijskaha typu»
Vienhryja nie razbłakuje pryniaćcie 20‑ha pakieta sankcyj da adnaŭleńnia pracy trubapravoda «Družba»
Vienhryja zabłakavała vydzialeńnie Ukrainie 90 miljardaŭ kredytu ES
Viktar Orban nazvaŭ Ukrainu voraham Vienhryi
Tramp adkryta vykazaŭ padtrymku Viktaru Orbanu na vybarach
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary